Isaya 1:21 - Livulu lya Shukulu Kalunga

²¹ Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 1:21 Iomraidhean Croise

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

2 Mizimbu 19:9

Co wavashikile ngwendi, “Munapande kupanga vipangi vyeni nakusingimika Shukulu Kalunga, nakumwononoka mu vyuma vyoshe vimulinga.

Nehemiya 11:1

Vantwama vatungile mu Yelusalema na vanu vaje vasaleleo, vatele n̄ela kwangula naanga imo a vinaanga likumi, kutunga mu Yelusalema nganda yakujela, co vakwavo vatanu na vawana vaje vasaleleo vakevo vakele mu vinganda vikwavo na mu vindandanga.

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Myaso 48:1

Shukulu Kalunga ikeye wakama, vanapande kumushangazala manene, mu nganda ya Njambi yetu, a lilundu lyendi lyakujela.

Myaso 48:8

Tunazivi vije vyalingile Njambi, co ololo tunavimono mu nganda ya Njambi yetu, Shukulu Kalunga Muka-nzili yoshe, ikeye akanyunga mwamuvwa nganda ku myaka yoshe.

Isaya 1:22

Yelusalema simbu yalaja wafwile ngwe siliva oloni ololo unapu uwangoco, wapwile ngwe vinyu vyavivwa oloni ololo unapu u mema lika.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 48:2

Muli na kulyalesa nakwendeka ngweni munapu vandambo va Yelusalema, nganda yakujela, nakukulaela kuli Njambi ya Isalele, uje lizina lyendi lyapwa Shukulu Kalunga Muka-nzili yoshe.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 59:14

Kulongwa kunahu, na vushunga kuvwesiko lalo. Vushunga vunahumo mu mbanja, co kulongwa kwaiko lalo.

Isaya 59:15

Kulongwa kunapu kwakundondo. Woshe uje alikela kulinga vuvi alimona ali na mulonga.” Shukulu Kalunga namono evi, co ikeye kesi nakuvwaelela omwo kukwesi vushunga.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hambakuke 1:4

Mashiko anapu akuzeya, co maako kuvesi kwakula vin̄anda mu ngila ya vushunga. Vaka-vuvi vanahyana vaka-vushunga mu vimbanja, co vushunga kuvwesi nakulingiwa.

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.