Isaya 1:2 - Livulu lya Shukulu Kalunga

² Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 1:2 Iomraidhean Croise

2 Vimyene 21:22

Ikeye wavyanene Shukulu Kalunga Njambi ya vakukulwila vendi, co kononokele mashiko endi.

Myaso 49:1

Ziveni evi yeni vanu voshe! Yeni vanu voshe va mu kaye,

Myaso 50:4

Ikeye akasana lilu na asi kupwa vakaleo ngwe vanu ngeci vamone mwasompa vanu vendi.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 34:1

Shwenyeni muyehi, yeni miyati ya vanu voshe na vaka-kaye voshe, na vyoshe vije vilinakuyoyao, ijeni kuno mwakutolilile.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 13:15

Eni vanu va mu Yunda, tolilileni mwanendeka Shukulu Kalunga! Kesi mulyalese, oloni pweni vaka-kulikeesa.

Njelemiya 22:29

Yove lifuti, lifuti, lifuti! Tolilila majwi a Shukulu Kalunga,

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Ezekiyele 24:3

Leka vanu vange vaka-kunjitengulukila cisimo eci yange Kalunga wa Akamwa ya Vyoshe njendeka ngwange, ‘Aka ndeo a liko, co itilamo mema.

Ezekiyele 36:4

Ngecivene, ololo tolilileni ku vije yange Kalunga wa Akamwa ya Vyoshe, njendeka kuli yeni minkinda na malundu, na kuli yeni vana va vindonga na vimbongo, na kuli yeni mitambela ije ivasezele mu vingundu, na kuli yeni vinganda vije vinasala mwangoco vije vivapukwile nakushendumuna ku miyati yoshe ya vanu vaje vazengelekeleko.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Mika 1:1

A matangwa akushwana kwa Yotame, na Ahaze, na Hezekiya vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.

Mika 1:2

Tolilileni yeni miyati yoshe ya vanu, zivisiseni yeni voshe mwakala ano asi! Shukulu Kalunga wa Akamwa ya Vyoshe akambulula vukaleo ali yeni. Tolilileni! Alinakwendeka kutundilila mu Njuvo yendi ya mwilu.

Mika 3:8

Oloni ngeci mwange, Shukulu Kalunga nanjishulisa na munzinzime wendi na nzili yendi, nakunjana mana a vushunga nakusimpa mukuleka vanu va mu Isalele vuvi vwavo muvwafwa.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

Kwituluka mu Mashiko 1:31

na mu mambo lalo. Co munamono muje Shukulu Kalunga Njambi yeni wamyendesele mu vungenzi vweni vwoshe kweta na ku mutambela uno, ngwe muje munu mwakalele munendi.’

Kwituluka mu Mashiko 30:19

Njilinakumyana kulyangwila akati ka mwonyo na kutsa, akati ka vivezikiso vya Njambi na visingo, omwo lilu na asi vinapu vukaleo ku litangwa lya lelo. Ngecivene, anguleni mwonyo ngeci mukayoye, yeni na vatekulwila veni,

Kwituluka mu Mashiko 32:1

“Eni melu, tolilileni majwi ange, asi, zivilila mwamuvwa evi njendeka.

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.