Isaya 1:15 - Livulu lya Shukulu Kalunga

¹⁵ “Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 1:15 Iomraidhean Croise

1 Vimyene 8:22

Asinoni Solomoni wemanene kulutwe lwa mutula ku mesho a vanu voshe, co wolwele mavoko endi mwilu,

1 Vimyene 8:54

Omo Solomoni wamanesele kulombela kuli Shukulu Kalunga, wemanene kulutwe lwa mutula, watsikamene a mavuli oku najundwila mavoko endi mwilu.

Ezela 9:5

Omo simbu yetele yakukombelela ku cingwezi, co njakatukile aje njatumbamene, anga njazalela vuzalo vwange vwakutavozoka, co njatsikamene a mavuli nakulombela, njolwele mavoko ange kuli Shukulu Kalunga Njambi yange.

Yombi 27:20

Vyakujujwisa vikavawana ngwe livazi, co lihunzi lya vutsiki likavapekumwina kulyala.

Yombi 35:13

Cinapu cangoco kuli vakevo kutwa kawelele, Njambi Muka-nzili yoshe kasa kuvamona nambe kuvaziva.

Myaso 134:2

Junduleni mavoko eni mukulombela ku Njuvo yakujela, co shangazaleni Shukulu Kalunga.

Myaso 55:1

Ziva lilombelo lyange yove Njambi, kesi uvyane kulomba kwange!

Myaso 66:18

Nga njashwekele vuvi vwange, nga Shukulu Kalunga kanjitolilile.

Kutuuka 9:29

Co Mosesa wendekele kuli ikeye ngwendi, “Omo yange njicituuka lika muno mu nganda, njikajundula mavoko ange nakulomba kuli Shukulu Kalunga. Co cililimo cikalikela, nyonzi ya mamanya kuyikanyoko lalo, ngecivene, ukazivuke ngwove kuma kaye kapwa ka Shukulu Kalunga.

Visimo 1:28

Asinoni mukasana mana, oloni kunjikamikumbulula, mukanjishakezeka noku-noku, oloni kumukanjiwana.

Visimo 6:17

Kulyalesa nakwendeka makuli, kutsiya vanu vakujeneka mulonga,

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Isaya 45:15

Mwa vushunga yove wapwa u Njambi, yove muka-kulishweka, Njambi ya Isalele muka-kwamena.

Isaya 58:4

Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Ezekiyele 11:6

Munatsii vanu vavangi manene muno mu nganda, co mu vitapalo mwoshe munashulu na mivila ya vanu vaje munatsii.

Ezekiyele 14:3

“Muna munu, ava vanu vanaaka vimbunge vyavo ku tumponya, co vanecelela tumponya kuvatwamenena mu vuvi. Kuma vanayongola ngwavo yange njikavakumbulula ndi?

Ezekiyele 39:23

Co miyati vakazivuka ngeci vaIsalele vaile mu vunzinda omwo vuvi vuje vuvavulumwine kuli yange. Yange njavakengesele nima, co njatavele vitozi vavo ngeci vavafungulule nakuvatsiila mu nzita.

Hoziya 5:6

Co vatwala vimanga vavo na vingombe mukukombelela kuli Shukulu Kalunga, oloni valinakulipesa ngoco. Kuvasa kumuwana, omwo navaseza.

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 6:7

“Co mukulomba kweni, kesi mutumise manene majwi amangi akujeneka seo, ngwe muvakalingi vaka-kujeneka kukulaela, omwo vayongola ngwavo vinjambi vavo vakavaziva omwo a majwi avo amangi-mangi.

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.