Isaya 1:13 - Livulu lya Shukulu Kalunga

¹³ Cinapu cangoco kunena vin̄ombelo vyeni. Njilinakuziva vunyengwe a insense muli nakwenyeka. Viwano vyeni vya Kutenama kwa Ngonde, na Matangwa Akuhwima eni, na viwano vyeni vya vuNjambi, vyoshe vinaviya na vuvi vweni.

Isaya 1:13 Iomraidhean Croise

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

1 Mizimbu 23:31

omo vakombelela vin̄ombelo vya kwenyeka kuli Shukulu Kalunga a Litangwa Lyakuhwima, na a Ciwano ca Kutenama kwa Ngonde, na a viwano vikwavo lalo. Co kwakele mashiko akwinika ngeci vaLevi vanapande kulinga vipangi evi a simbu na simbu. Co vaLevi vavaanene vipangi vyakulemesa Shukulu Kalunga simbu yoshe.

Myaso 78:40

Visimbu vyavingi vamutengulukilile mu mambo, nakumuvavalesa ku mbunge!

Kutuuka 12:16

A litangwa lyakulivanga, co lalo a litangwa lyamucitanu na avali, mukakunguluka nakunjilemesa. Co kesi mukapange a matangwa aje, oloni kuvwaesa lika vyakulya.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Visimo 7:14

“Lelo njinakombelela vin̄ombelo vya kulitombola, co lalo njili na situ ije inasalao yakulingisa ciwano.

Isaya 66:23

A ngonde yoshe yakulivanga na a Ciwano ca Kutenama kwa Ngonde na a Litangwa Lyakuhwima, vanu va miyati yoshe vakaija nakunjilemesa muno mu Yelusalema.” Mukemwo mwanendeka Shukulu Kalunga.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Mbimbi 2:6

Wapujwile Njuvo yendi vimbazuvwila-mbazuvwila muje twakele nakumulemesela. Ikeye namanesa matangwa akujela na Matangwa Akuhwima. Mu vukalu vwendi vwakama wavyanene mwene, na muka-kukombelela.

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Hoziya 2:11

Co njikavindika viwano vyendi vyakulisamba vyoshe, viwano vyendi vya a mwaka na mwaka, na a ngonde na ngonde na viwano vyendi vyakulisamba a Litangwa Lyakuhwima, na vikungulukilo vyendi vyoshe vyakulemesa.

Njwele 1:14

Shikeni lishiko lyakulikela kulya, co saneni mbunga yoshe ya vanu! Kungulwileni vantwama na vanu voshe va mu Yunda mu Njuvo ya Shukulu Kalunga Njambi yeni nakulilila kuli ikeye!

Njwele 2:15

Imbeni lupembo a Munkinda wa Siyone, shikeni lishiko lyakulikela kulya, co saneni mbunga!

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Kulava 10:2

“Fula malupembo avali akupameyeya na siliva akewo akusanesa mbunga amolika nakujalwisa cilombo.

Mateo 15:9

Cinapu cangoco kuli vakevo kunjilemesa, omwo vakevo valinakulongesa mashiko a vanu ngwe akewo anapu mashiko ange!’ ”

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

1 Kolinte 11:17

Oloni a vilongesa vimo kunjimishangazala, omwo akulikungulula kweni mukulemesa mukalingi mwamuvi kesi mukalingi mwamuvwa.

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

Filipu 1:15

Mwa vushunga vene kuli vamo vambulula Kilistu omwo vali na lifuwa na vimata, oloni veka vambulula na cizango cacivwa.