Isaya 1:11 - Livulu lya Shukulu Kalunga

¹¹ Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Isaya 1:11 Iomraidhean Croise

Myaso 40:6

Yove kuushaka kukukombelela vin̄ombelo, yove kuwesi kulomba tusitu twamutunu twa kwenyeka a mutula, nambe vin̄ombelo vya a vuvi. Oloni unanjana matwi akukuziva,

Myaso 50:8

Kunjimiluvalesa omwo ya vin̄ombelo vyeni vya kwenyeka, vije mukanena kuli yange simbu yoshe.

Myaso 51:16

Yove kuwashakele vin̄ombelo, nga njikakukombelelavyo, yove kuwesi kuvwaelela na vin̄ombelo vya kwenyeka.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Njelemiya 7:21

“Vanu vange, vin̄ombelo vimo mukavyenyekela vyoshe a mutula, vikwavo vakamitavesa ngeci muvilye. Oloni yange Kalunga, njendeka ngwange munapande kuvilya vyoshe.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Amose 4:5

Neneni makende kupwa mulambu wa cikandelela kuli Njambi, co lyaleseni a milambu ikwavo imunena! Omu mukemwo mumwashaka kulinga.

Amose 5:21

Shukulu Kalunga alinakwendeka ngwendi, “Yange njazinda nakuyengula viwano vyeni vyakulemesa, kunjivwaelela navyo!

Amose 5:22

Nameme munjikombelela vin̄ombelo vyeni vya kwenyeka, na milambu ya vimbuto vya vinona, kunjikavitambula, nambe mukombelela vin̄ombelo vya kulitombola vya vimuna veni vakununa, kunjikavitambula.

Mika 6:7

Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi?

Hangai 2:14

Asinoni Hangai wendekele ngwendi, Shukulu Kalunga alinakwendeka ngwendi, “Cuma eci vene cinalifu na vanu va muyati ou, na vyuma vyoshe vivalinga, ngecivene, vyuma vyoshe vivakombelela a mutula vinapu vyakujwala.”

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Kulava 7:45

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

Mateo 22:4

Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.