Isaya 1:1 - Livulu lya Shukulu Kalunga

¹ Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 1:1 Iomraidhean Croise

2 Vimyene 15:1

Mu mwaka wamumakumi avali na itanu na ivali omo Mwene Yelovowame Wamucivali wapwile mwene wa mu Isalele. Co Uziya muna Amaziya wapwile mwene wa mu Yunda

2 Vimyene 15:13

Mu mwaka wamumakumi atatu na itanu na iwana omo Uziya wapwile mwene wa mu Yunda, Shalume muna Njambeshe wapwile mwene wa mu Isalele, washwanene mu Samaliya ngonde imolika.

2 Vimyene 15:32

Mu mwaka wamucivali omo Peka muna Lemaliya wapwile mwene wa mu Isalele, Yotame muna Uziya wapwile mwene wa mu Yunda

2 Vimyene 15:7

Uziya watsile, co vamutsindile mu vimbumbo vya vumwene mu Nganda ya Ndaviti, co munendi Yotame wamushwanene kupwa mwene.

2 Vimyene 18:1

Mu mwaka wamucitatu omo Hosheya muna Elahe wapwile mwene wa mu Isalele, co Hezekiya muna Ahaze wapwile mwene wa mu Yunda

2 Vimyene 19:2

Watumine Elyakime, mwata wa ku lipela na Shevana muka-kusoneka wa mu mbanja na vaka-kukombelela va vakulunu kuli Isaya muka-kwimanena muna Amoze. Navo lalo vazalele vikeleya.

2 Mizimbu 26:1

Vanu voshe va mu Yunda vaangwile Uziya muna Amaziya uje wakele na myaka likumi na itanu na umo omo wapwile mwene.

2 Mizimbu 26:22

Co Isaya muka-kwimanena muna Amoze wasonekele vyuma vyoshe vikwavo vije vyalingile Mwene Uziya a simbu yakushwana kwendi.

2 Mizimbu 27:1

Yotame wakele na myaka makumi avali na itanu omo wapwile mwene, washwanene mu Yelusalema myaka likumi na itanu na umo. Vaina vapwile Yelusha, muna Zandoke.

2 Mizimbu 28:1

Ahaze wapwile mwene omo wakele na myaka makumi avali, co washwanene mu Yelusalema myaka likumi na itanu na umo. Ikeye kakavangeyeye vilinga vyavivwa vya kukulwila yendi Mwene Ndaviti, oloni walingile vije kuvyavwaelelesele Shukulu Kalunga,

2 Mizimbu 29:33

Co lalo vanenele vingombe va nkomba vakupwa 600, na majamba a vimanga akupwa 3,000 kupwa vin̄ombelo ngeci vanu valye.

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Isaya 13:1

Awa akewo majwi aa Mbambilone, aje atambwile Isaya muna Amoze kuli Njambi.

Isaya 2:1

Awa akewo majwi aanene Njambi kuli Isaya muna Amoze a Yunda na Yelusalema.

Isaya 20:2

A myaka itatu ya kunima Shukulu Kalunga walekele Isaya muna Amoze atundise vin̄aku vyendi na vuzalo vwa cikeleya vwazalele. Isaya wononokele, wendele mushelengwa, co kazalele vin̄aku ku mendi endi a myaka ije itatu.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 37:2

Watumine Elyakime, mwata wa ku lipela, na Shevana, muka-kusoneka wa mu mbanja, na vaka-kukombelela va vakulunu kuli Isaya muka-kwimanena muna Amoze. Navo lalo vazalele vikeleya.

Isaya 38:1

A matangwa aje Mwene Hezekiya wavinjile, co washakele kutsa. Isaya muka-kwimanena muna Amoze waileko nakumumona, co wendekele kuli ikeye ngwendi, “Shukulu Kalunga nendeka ngwendi vwaesa mwamuvwa vyuma vyoshe, omwo kuwinduka embwe. Utsa.”

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 6:1

Mu mwaka uje watsile Mwene Uziya, njamwene Shukulu Kalunga natumbama a litanda lyendi lyalilaja, lya akamwa, co cikoveyo cendi cacilaja cashulisile Njuvo ya Shukulu Kalunga.

Isaya 7:1

Omo Mwene Ahaze muna Yotame mutekulu wa Uziya washwanene mu Yunda, co kwakele nzita. Mwene Lezine wa Silya, na Peka muna Lemaliya mwene wa mu Isalele, valwisile Yelusalema oloni kuvaifungulwile.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Hoziya 1:1

Eli likelyo lijwi lya Shukulu Kalunga lije lyezile kuli Hoziya, muna Mbeli, a simbu yakushwana kwa Uziya, na Yotame, na Ahaze, na Hezekiya vimyene va mu Yunda, na a simbu yakushwana kwa Yelovowame, muna Yehowashe, mwene wa mu Isalele.

Amose 1:1

Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

Amose 4:5

Neneni makende kupwa mulambu wa cikandelela kuli Njambi, co lyaleseni a milambu ikwavo imunena! Omu mukemwo mumwashaka kulinga.

Mika 1:1

A matangwa akushwana kwa Yotame, na Ahaze, na Hezekiya vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.

Nahumi 1:1

Eli likelyo lijwi lya Shukulu Kalunga a nganda ya Nenevayi. Nahumi uje watundile ku nganda ya Elekoshe, wasonekele vyuma vije Njambi wamumweselevyo mu cimona.

Hambakuke 2:2

Co Shukulu Kalunga wanjikumbulwile ngwendi, “Soneka mwamuvwa cimona eci a vitale vya vuma, ngecivene, cikapwe cacasi kuli uje acilava.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Kulava 24:16

Uje asa kuziva majwi a Njambi, nakuzivuka mana aje akutunda kuli Njambi wa Akamwa ya Akamwa, uje amona nakutungukwa cimona ca Njambi Muka-nzili yoshe, uje awila asi ngwe, natsi kavela-vela, oloni mesho endi natono amona vyoshe.

Kulava 24:4

uje asa kuziva vije vyalinakwendeka Njambi. Uje amona nakutungukwa cimona ca Njambi Muka-nzili yoshe. Uje awila asi ngwe natsi kavela-vela, oloni mesho endi natono amona vyoshe.

Mateo 17:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

Vilinga vya Miluwa 10:17

Omo Petulu simbu acilikomokela a cije cimona mucinalumbunukila, kengeni, vanalume vaje vatumine Konelyasi vehwile ku njuvo ya Simoni, co a simbu ije vemanene ku cikolo.

Vilinga vya Miluwa 26:19

“Ngecivene, Mwene Angilipa, njononokele cimona cije njamwene catundile mwilu.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

2 Petulu 1:21

Omwo kukwesi lijwi lya vuka-kwimaneana lyezile kutunda ku cizango ca munu, oloni vanu vavatwamenenene kuli Munzinzime Wakujela omo vambulwile lijwi lije lyatundile kuli Njambi.