Hoziya 9:8 - Livulu lya Shukulu Kalunga

⁸ Njambi nanjitumu kupwa muka-kwimanena wakunangula vanu vendi va Isalele. Oloni kwoshe kuje kunjiila, mweseka kunjitela nganjo ngwe nji kazila. Nameme mu Njuvo ya Shukulu Kalunga vanu vanapu vitozi va muka-kwimanena.

Hoziya 9:8 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:1

Munima ya simbu imo, mu mwaka wamucitatu wa lilanga, Shukulu Kalunga wendekele kuli Elinja ngwendi, “Ya ukalisholole kuli Mwene Ahave, co yange njikatuma nyonzi.”

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

1 Vimyene 22:11

Umo wavo vaka-kwimanena, Zendekiya muna Kenaana, wafulile vimbinga vya vutale, co wendekele kuli Ahave ngwendi, “Eci cikeco canendeka Shukulu Kalunga ngwendi, ‘Na vimbinga evi ukalwisa vaSilya, co mwa vushunga vene ukavafungulula.’ ”

1 Vimyene 22:22

Co Shukulu Kalunga wehwile ngwendi, ‘Mu ngila ikajo ukamukwisila?’ Munzinzime wakumbulwile ngwawo, ‘Njikaya nakusindiya vaka-kwimanena voshe va Ahave kwendeka makuli.’ Co Shukulu Kalunga wendekele ngwendi, ‘Ya ukamukwise. Ukasa vene.’ ”

1 Vimyene 22:28

Co Mikaya watambekeleleko ngwendi, “Nga yove wiluka mwamuvwa, co Shukulu Kalunga kendekele muli yange embwe!” Co lalo wendekele ngwendi, “Tolilileni kesi mwivale evi njinendeka!”

1 Vimyene 22:6

Ngecivene, Ahave wasanene vaka-kwimanena, vapwile 400, co wavehwile ngwendi, “Citava ngeci njiye nakulwisa Lamote nambe embwe?” Co vakevo vamukumbulwile ngwavo, “Ya ukavalwise. Shukulu Kalunga akakwana nzili yakuvafungulula.”

2 Vimyene 13:21

A simbu imo omo vanu vaile nakutsinda mutsi, co vamwene mbunga imo ya vaMowavi, co vaje vanu vombilile cije mu mbumbo ya Elisha, co vatewele. Vwasi-vwasi cije civimbi omo cakambolele ku vitsiya vya Elisha, co uje munalume wendukile nakwimana.

2 Vimyene 2:14

Co wapupile cije cikoveyo a mema wendekele ngwendi, “Shukulu Kalunga Njambi ya Elinja ali kulijo?” Co welukililemo lalo kupupa a mema, mema alyangunukile, co wajavukile nakuya musambwa.

2 Vimyene 2:21

co waile ku lisima lya kavwelu-vwelu, wetilile mwongwa mu mema, co wendekele ngwendi, “Shukulu Kalunga ngwendi, ‘Njijelesa mema awa, co kuwakanene lalo kutsa nambe kujombwesa limbo kuli vaka-kwimita embwe.’ ”

2 Vimyene 4:41

Elisha walombele vunga, wavuvuvungiiye mu ndeo, co wendekele ngwendi, “Vaaneni ngeci valye.” Co vije vyakulya vyapwile vyavivwa.

2 Vimyene 4:43

oloni ngamba yendi ikeye wamukumbulwile ngwendi, “Kuma unayongola ngwove vyakulya evi vinapumo ku vanalume vakupwa 100 ndi?” Co Elisha wamulekele ngwendi, “Vaane valye, omwo Shukulu Kalunga nendeka ngwendi, ‘Vakalya, co vikasalao vimo lalo.’ ”

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

2 Vimyene 5:27

Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

2 Vimyene 7:19

co uje mwata wakumbulwile ngwendi, “Eci kucikalingiwa embwe, nameme vene nga Shukulu Kalunga atuma nyonzi a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

2 Vimyene 7:2

Co uje katumwa ka mwene wendekele kuli Elisha ngwendi, “Eci kucikalingiwa embwe, nameme vene nga Shukulu Kalunga atuma nyonzi yakama a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

Myaso 124:7

Tunaputumuka ngwe kazila natundu mu mweto wa ciyambi, mweto unashutuka, co tunaputumukamo!

Muka-kwambulula 9:12

Omwo munu kazivuka simbu yendi omo yeta. Ngwe tuzila omo vakatsi vwasi-vwasi mu mweto, ngwe lalo visi omo vakatsi a linimbwa, mukemwo lalo na vanu vakatsi mu nganjo omo simbu ya vuvi ije kutwavandamenene yeta.

Myaso ya Solomoni 3:3

Vaka-kunyunga mu nganda vaje vakele nakwendangana, vanjimwene, co njavehwile ngwange, “Munanjimwenako muka-cizemo cange ndi?”

Isaya 62:6

Yelusalema njinaka vaka-kunyunga a vivumbe vyove. Vipangi vyavo vinapu kwendeka mutanya na vutsiki, vanapande kwanukisa Shukulu Kalunga vikulaeso vyendi kwakwonwa kuvivala.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 23:13

Njinamono vuvi vwa vaka-kwimanena va ku Samaliya, vanambulula mu lizina lya Mbale nakuungumwisa vanu vange va Isalele.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 6:17

Asinoni Shukulu Kalunga wemikile vaka-kwimanena kunangula vanu vya vushonde, oloni vendekele ngwavo, “Kutukatolililako.”

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Ezekiyele 3:17

“Muna munu, njikupwisa muka-kunyunga muyati wa Isalele. Yove ukavanangula vije vinjikuleka.

Ezekiyele 33:7

“Ololo, muna munu, njilinakukupwisa muka-kunyunga muyati wa Isalele. Unapande kuvanangula vije vinjikuleka.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Mika 7:4

Nameme vana vavavwa vakwononoka manene, oloni vanapu ngwe shaku yangoco. Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga.

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Loma 3:7

Oloni nga makuli ange amwesa vumpau vwa Njambi akusholola vushunga vwendi mwamuvwa, omwo vika lalo anga vacinjihisa ngwe muka-vuvi?

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.