Hoziya 9:4 - Livulu lya Shukulu Kalunga

⁴ Co mu mafuti aje a vungenzi kuvakasa kukombelelamo vin̄ombelo vya vinyu kuli Shukulu Kalunga, nameme kunena vin̄ombelo vyavo kuli ikeye embwe. Vyakulya vyavo vikajwalesa munu woshe uje akavilya, ngwe vyakulya vyakulila mu myala. Vakavipangesa lika kushulisa mafu avo, nacimo cai civakatwala ku Njuvo ya Shukulu Kalunga kupwa mulambu.

Hoziya 9:4 Iomraidhean Croise

Kutuuka 29:40

Co amo na muna manga wakulivanga lambula kilo imo ya vunga vwavuvwa vwakuseneta vwakukumbasana na lita imo ya mazi amavwa a olive. Co itilao lalo lita imo ya vinyu kupwa mulambu.

Kutuuka 40:23

waakeleo makende aje valambwile kuli Shukulu Kalunga, ngwe muje mwamushikile Shukulu Kalunga.

Isaya 57:6

Mulinakwambatako mamanya akuseneta, co mulinakuwalemesa ngwe vinjambi. Muketilako vinyu kupwa vin̄ombelo nakuvatwalela n̄ombelo ya vimbuto vya vinona. Kuma munayongola ngweni njasa kuvwaelela nevi vyoshe ndi?

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 16:7

Naumo wai akalya nambe kunwa amo na munu umo mukumuzembeleka a vusiwa vwa ishe nambe vaina. Naumo wai akamwesa ngozi, nameme kuli uje natsisa ishe nambe vaina.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

Ezekiyele 24:22

Asinoni mukalinga ngwe munjinalingi yange. Kumukafwiki ku vihanga vyeni nambe kulya vyakulya vije vivakali vaka-kulila.

Ndanyele 1:8

Oloni Ndanyele wayongwele mu mbunge yendi ngeci kapandele kulijwalesa ikeye vavenya akulya vyakulya nakunwa vinyu vya vumwene, co walombele Ashepenaze, mwata wa mukulunu ngeci amukwase,

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:9

Kukwesi vimbuto nambe vinyu vyakulambula mu Njuvo ya Shukulu Kalunga, vaka-kukombelela valinakulila omwo kukwesi vin̄ombelo vyakukombelela kuli Shukulu Kalunga.

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

VaLevi 17:11

Omwo mwonyo wa cuma coshe cakuyoya wakala mu maninga, eci cikeco cashikile Shukulu Kalunga ngeci maninga oshe vawetile ku mutula mukwambesa vuvi vwa vanu. Maninga akewo anapu mwonyo, co akewo akaambesa vuvi.

VaLevi 21:17

“Leka Alone ngwove, naumo wai wa ku vatekulwila vove ku visemwa vyove vyoshe vya kulutwe uje ali na vulema, akakombelela vin̄ombelo vya vyakulya kuli yange.

VaLevi 21:21

Kukwesi mutekulwila wa Alone muka-kukombelela, uje ali na vulema, akashwenya kuyehi nakukombelela vin̄ombelo vya vyakulya kuli Shukulu Kalunga Njambi yeni.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

Amose 5:22

Nameme munjikombelela vin̄ombelo vyeni vya kwenyeka, na milambu ya vimbuto vya vinona, kunjikavitambula, nambe mukombelela vin̄ombelo vya kulitombola vya vimuna veni vakununa, kunjikavitambula.

Malakiya 2:13

Cuma cikwavo lalo cimukalingi eci. Mujulisa mutula wa Shukulu Kalunga na misozi, kulila nakumbolozoka omwo kesi nakutambula vin̄ombelo vije mulinakumunenela.

Kulava 19:11

“Woshe uje akwata a civimbi ca munu woshe-iwoshe akapwa wakujeneka kujela a matangwa atanu na avali.

Kulava 28:2

“Shika vanu va Isalele vanjinenele vin̄ombelo vya vyakulya ku visimbu vije vemika, vin̄ombelo vije vinjashaka yange Njambi.

Kulava 4:7

“Co vakajala nanga yakuzivuluka a mesa aje vakaka makende a ku mesho a Shukulu Kalunga, nakwakao lalo malonga akukunama, na malonga akwenyekela insense, na malonga a milambu, na vinjava vya milambu ya vinyu. Co makende akakale a mesa simbu yoshe.

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Kwituluka mu Mashiko 26:14

Kutwalileo cimo ca vyavulikumi omo twakele nakulila, nambe kutundisa vimo omo kutwajelele, nambe kukombelela vimo ku vakulu. Tunakwononoka yove Shukulu Kalunga Njambi yetu, tunalingi vyuma vyoshe vije viwatushikile.