Hoziya 9:3 - Livulu lya Shukulu Kalunga

³ Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

Hoziya 9:3 Iomraidhean Croise

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Mbimbi 5:6

Akuwana vyakulya vyakupwisamo ngeci tuyoye, twile nakuvilomba ku Ingito na ku Asilya.

Ezekiyele 4:13

Shukulu Kalunga wendekele ngwendi, “Eci cinemanena muje muvakalilamo vaIsalele vyakulya vije vyakujeneka kujela ngwe ku Lishiko lya Mosesa, omo njikavashandwela ku mafuti eka.”

Ndanyele 1:8

Oloni Ndanyele wayongwele mu mbunge yendi ngeci kapandele kulijwalesa ikeye vavenya akulya vyakulya nakunwa vinyu vya vumwene, co walombele Ashepenaze, mwata wa mukulunu ngeci amukwase,

Hoziya 11:11

Vakaija kutunda ku Ingito ngwe tuzila, vakatunda ku Asilya ngwe mayembe. Co njikavanena ku membo avo lalo. Munjinendeka yange Kalunga.”

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:6

Omo tuyando twakama tukaija, co vanu voshe vakalishandoka, co vaka-Ingito vakavakungulula, vakavakungulula nakuvatsinda ku Mefise! Vufuko vwavo vwa ngolinde na mitambela aje vatungilile membo avo vikakupuka mu shaku na mu mambimbo.

VaLevi 18:28

Asinoni lifuti kulikasa kumivyana ngwe muje linavyana vaka-kujeneka kukulaela, vaje vanakalamo simbu kanda mwijemo.

VaLevi 20:22

Ngecivene, mukanyunge mashiko ange oshe, nakushika kwange kwoshe nakuwalinga, ngeci kesi vakamivyane mu lifuti muje munjilinakumitwala.

VaLevi 25:23

“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.

Amose 7:17

Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”

Mika 2:10

Katukeni muye, kukwesi mwamuvwa lalo kuno embwe. Vuvi vweni vunaviisa uno mutambela nakuunyongesa woshe njwa.

Vilinga vya Miluwa 10:14

Oloni Petulu wakumbulwile ngwendi, “Embwe Mwene! Omwo kanda njicilye cuma cimo cakujwala nambe cakujeneka kujela.”

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 28:68

Shukulu Kalunga akamiilwisila ku Ingito mu mato, nameme ikeye wendekele ngwendi kumukelukila lalo kuje. Co kuje ku Ingito mukashaka kulilandesa kuli vitozi veni kupwa vindungo va vanalume na ava va vanakazi, oloni naumo wai akashaka kumilanda.”

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.

Yoshwa 23:15

Ngwe omo ikeye wanyungile vikulaeso vyoshe vije vyalingile kuli yeni, ngecivene, Shukulu Kalunga akanena vyuma vyoshe vyavivi ali yeni, noo naminyongesa mu lifuti eli lyalivwa lyanamyana Shukulu Kalunga Njambi yeni.