Hoziya 9:16 - Livulu lya Shukulu Kalunga

¹⁶ Vanu va mu Isalele vanapu ngwe muti uje wakuma mizi, co kuwesi lalo nakwima vushuka. Kuvakakala lalo na vana, oloni nameme vakakala navo, co njikatsiya vana vavo vaje vavazema manene.”

Hoziya 9:16 Iomraidhean Croise

Kushangumuka 41:23

Asinoni mitwe itanu na ivali ya tiliku yamenene lalo, yakwekwiya nakujujwama nakwenya na lihunzi lya ntwima lya mu mambo.

Yombi 18:16

Co mizi yendi yuma, na minango ijujwama.

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.