Hoziya 9:15 - Livulu lya Shukulu Kalunga

¹⁵ Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Hoziya 9:15 Iomraidhean Croise

Myaso 78:60

Wasezele mbalaka ya ku Shilo, mbalaka ije yashimbikile omo wakele akati ka vanu.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Njelemiya 11:15

Shukulu Kalunga alinakwendeka ngwendi, “Vanu vanjazema valinakulinga vyuma vyavivi. Vuvwa mukajo valinavwo ngeci vakale mu Njuvo yange? Kuma vayongola ngwavo vasa kuvindika tuyando akulinga vikulaeso nakukombelela vin̄ombelo vya tusitu? Kuma vije vikavavwaelelesa ndi?

Njelemiya 12:8

Vanu vange vakwangula vananjitengulukila nakunjilwisa ngwe ndumba, co valinakunjanena, ngecivene, njavazindi.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 23:18

Washolokele ku mesho a vanu voshe, mukumwesa munu woshe ngeci ikeye wapwile cikwizi. Co njamwenukwile ngwe munjenukwile ndokazi yendi Ohola.

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 1:9

Co Shukulu Kalunga wendekele kuli Hoziya ngwendi, “Muluke lizina ngwove ‘Kesi Vanu Vange,’ omwo vanu va mu Isalele kesi vanu vange, co nange lalo kesi nji Njambi yavo.”

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 9:17

Njambi uje njilinakupangela akavyana vanu vendi, omwo vanavyana kumutolilila. Vakapwa vaka-kwendangana akati ka miyati ya vanu.

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Amose 4:4

Shukulu Kalunga wa Akamwa ya Vyoshe alinakwendeka ngwendi, “Yeni vanu va Isalele, nga mushaka yeni ku mwela wakujela ku Mbetele mukalingileko vuvi! Nga mwasa yeni ku Ngilingale mukalingileko vuvi! Co neneni vin̄ombelo vyeni mutondo na mutondo, neneni cavulikumi ceni a litangwa lyoshe lyamucitatu.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Amose 5:5

Kesi muye ku Mbeleshemba nakukalemeselako. Kesi mukanjitondele ku Mbetele, omwo Mbetele ikapwa cuma cangoco. Kesi mukaye ku Ngilingale omwo vanu vendi vakaya ku vunzinda.”

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 6:5

Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.

Vilinga vya Miluwa 5:21

Co miluwa vononokele, co omo kwakile vakovelele mu Njuvo ya Shukulu Kalunga vashangumukile kulongesa. Muka-kukombela wakama amo na munga yendi vasanene vakulunu voshe va vaYunda mu cikungulukilo ca Munga yavo, asinoni vatumine lijwi ku kamenga ngeci vanene miluwa ku mesho avo.

Yoshwa 10:43

Munima yevi, Yoshwa na mashwalale vendi velukile ku cilombo ca ku Ngilingale.

1 Samwele 7:16

Co a mwaka na mwaka wakele nakuya ku Mbetele, na ku Ngilingale, na ku Mizipa, co waakwilile Isalele ku mitambela yoshe.