Hoziya 9:11 - Livulu lya Shukulu Kalunga

¹¹ Vukama vwa Isalele vukapulwila kulyala ngwe kazila, co kukukasemuka lalo vana kuli vakevo, kukukakala lalo vanakazi va tufumba-kazi, naumo mwana ivakemita wai.

Hoziya 9:11 Iomraidhean Croise

Kushangumuka 41:52

Yosefa walukile munendi wamucivali lizina lyendi Efalime, wendekele lalo ngwendi, “Njambi nanjana vana mu lifuti lya tuyando twange.”

Kushangumuka 49:22

“Yosefa napu ngwe ngolo wakukundama ku lisima lya kavwelu-vwelu, muna ngolo wa ku mutambela wa ku lilundu.

2 Samwele 6:23

Mikale, muna Saulu, kakele na mwana noo kutsa kwendi.

Yombi 18:5

Co ceke ca muka-vuvi cikazima, co mulangi wa tuhya twendi kuukatu ceke.

Myaso 58:8

vapwe ngwe sela ije isosonyoka kupwa mema-mema, vapwe ngwe mbututu wakupulumwisa uje kamono litangwa.

Muka-kwambulula 6:3

Nga munu akita vana 100 nakuyoya myaka yaingi, co myaka yendi ituma, oloni kesi kuvwaelela nambe kumutsinda mwamuvwa, co njendeka ngwange, mwana wakujombwesa limbo ali na seo kutuvakana uje munu.

Isaya 17:3

Isalele kuyikakala na cimpaka cakuyinyunga, co Ndamasiku vakainyongesa. Va Asilya vaje vakasalao vakaziva shwamwa ngwe vanu va Isalele. Yange Kalunga Muka-nzili yoshe, njinendekamo.”

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 4:7

“Omwo mumunatuminamo yeni vaka-kukombelela, mukemwo lalo mumuli nakulinga vuvi vwavungi kuli yange. Co njikatengulula kasingimiko keni kupwa shwamwa.

Hoziya 5:9

Isalele akakala mu ngundu a litangwa lije omo kunyanyamesa ciketa. Vanu va Isalele, mwa vushunga vene cuma eci cikasholoka!

Hoziya 9:14

Vikajo njikulomba ngeci uvilinge kuli vanu ava? Pwisa vanakazi vavo mumba! Mavele avo ominine ngeci kesi vajamwese vana vavo!

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Luka 23:29

Omwo matangwa alinakwija omo vanu vakendeka ngwavo, ‘Vanavezika vanakazi vaje kuvesi na vana, vaje kuvakitile vimbututu vaje kuvalelele!’

Kwituluka mu Mashiko 28:18

“Shukulu Kalunga akamisinga, akamyana vana vavandondo, na vimbuto vyavindondo, na vingombe vavandondo, na vana va vimanga vavandondo.

Kwituluka mu Mashiko 28:57

Vakalya mu vushweke vimbututu vavo vavaha amo na vinjuvo vya vimbututu vavo, omwo kuvesi na cuma cimo cakulya casalao cai, omwo tuyando twa nzita, co vitozi veni vakamizengeleka nakumiyandesa mu vinganda vyeni vyoshe.

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”