Hoziya 9:1 - Livulu lya Shukulu Kalunga

¹ Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Hoziya 9:1 Iomraidhean Croise

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Isaya 17:11

Vimbuto vije mukuna vyasa kujovelela nakushamwina vishani mutondo uje vene muvikuna, oloni nacimo cai mukateja. Kukakala lika tuyando nakukemanga.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Ezekiyele 16:15

“Oloni yove wakulaelele vuvwa vwove, na lutsimo lwove, co walingile vupangala na munu woshe uje wezile kuli yove.

Ezekiyele 16:30

Evi vikevyo vyendeka Shukulu Kalunga wa Akamwa ya Vyoshe ngwendi, “Unalingi vyoshe evi ngwe cikwizi wakujeneka shwamwa.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Ezekiyele 21:10

Vanawotola ngeci utsiye vanu, co vanaukalula ngeci uvyakule ngwe muhyato. Kukwesi kujolela, omwo vanu vange vanapokola kunangula kwoshe nakunyanyamesa kwoshe.

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 2:12

Njikanyongesa mikolovozi yendi ya vushuka vwa vinyu na miti yendi ya mikuyu, vije vyendekele ngwendi vaka-cizemo cendi vamwanenevyo kupwa fweto yendi omo walingile navo vupangala. Co njikatengulula vitungu vyendi vya mikolovozi ya vushuka vwa vinyu na vitungu vya miti ya vushuka kupwa mambo, co tusitu vakaviviisa.

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Hoziya 5:7

Vanapu vakujeneka kulongwa kuli Shukulu Kalunga, co vana vavo kuvakundamene kuli ikeye embwe. Ngecivene, ololo vakevo na lifuti lyavo vakavanyongesa.

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Amose 4:5

Neneni makende kupwa mulambu wa cikandelela kuli Njambi, co lyaleseni a milambu ikwavo imunena! Omu mukemwo mumwashaka kulinga.

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Yakomba 4:16

Oloni yeni mukalyalesa nakulishasha, kulyalesa kweni kwoshe kunapu kwangoco.

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!