Hoziya 8:7 - Livulu lya Shukulu Kalunga

⁷ Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

Hoziya 8:7 Iomraidhean Croise

Kushangumuka 41:23

Asinoni mitwe itanu na ivali ya tiliku yamenene lalo, yakwekwiya nakujujwama nakwenya na lihunzi lya ntwima lya mu mambo.

2 Vimyene 15:19

Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

Yombi 4:8

Vanu vaje valinga vuvi valinakukuna vuvi vwavo, co vateja lalo vuvi vwavo.

Visimo 22:8

Uje akuva vuvi akateja tuyando, co kuluvala manene kwa vaka-vuvi kukahwa.

Muka-kwambulula 5:16

Eci lalo naco cinapu cuma cacivi! Tukaya ngwe muje vene mutwezile. Vikajo tuwanao akusheka lihunzi?

Isaya 17:11

Vimbuto vije mukuna vyasa kujovelela nakushamwina vishani mutondo uje vene muvikuna, oloni nacimo cai mukateja. Kukakala lika tuyando nakukemanga.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 12:13

Vanu vange vakuvile tiliku, oloni vatejele shaku, vaundanganene manene oloni nacimo cai vawaneneo. Omwo vukalu vwange vwakama, ngeci vanonwa kuteja vimbuto vyavo.”

Mbimbi 5:2

Vufuko vwetu vuli mu mavoko a vangenzi, co vaka-kwija valinakuyoyela mu vinjuvo vyetu.

Hoziya 2:9

Ngecivene, a simbu ya kuteja njikamunyeka vije vimbuto na vinyu vinjamwanene, co njikamunyeka lalo vije vuzalo vwa maka a vimanga na vije vinanga vya linyu vinjamwanene ngeci azale.

Hoziya 7:9

co kuvanangukile ngeci oku kuyoyela a miyati ya mafuti eka cikeco cinavanyeke nzili yavo. Matangwa avo anapu amandondo, oloni kuvazivuka cuma eci.

Hoziya 9:16

Vanu va mu Isalele vanapu ngwe muti uje wakuma mizi, co kuwesi lalo nakwima vushuka. Kuvakakala lalo na vana, oloni nameme vakakala navo, co njikatsiya vana vavo vaje vavazema manene.”

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Ngalatiya 6:7

Kesi mulikwise yeni vavenya, naumo wai ashendumuna Njambi. Munu ateja vije vyanakuvile.

Ngalatiya 6:8

Nga ukuna mu lihya lya cisemwa ca mashungu ove, ku cikeco ukakungulula na kuteja kutsa, nga ukuna mu lihya lya Munzinzime, ku Munzinzime ukakungulula na kuteja mwonyo wa myaka yoshe.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.