Hoziya 8:6 - Livulu lya Shukulu Kalunga

⁶ Uje kamponya wamupangele mutongwe wa mu Isalele, co uje kamponya kesi njambi embwe! Uje ngombe wa nkomba wa ngolinde valemesa vanu va mu Samaliya vakamupujula vimbazuvwila-mbazuvwila!

Hoziya 8:6 Iomraidhean Croise

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

2 Vimyene 23:19

Mu nganda na nganda yoshe ya mu Isalele, Mwene Yosiya wasiwile mitambela yoshe ije vakele nakulemesela vaka-kujeneka kukulaela, ije ivatungile vimyene va mu Isalele, vaje vashangumwine vukalu vwa Shukulu Kalunga. Co wasiwile mitula yoshe ije ngwe mwasiwile mitula ya mu Mbetele.

2 Mizimbu 13:8

Ololo mwayongola kulwisa vumwene vuje vwaanene Shukulu Kalunga kuli vatekulwila va Ndaviti. Muli na mashwalale vavangi, co lalo muli na vingombe va ngolinde vaje vapangele Yelovowame ngeci vapwe vinjambi veni.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Hoziya 10:2

Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Hoziya 14:3

Vaka-Asilya kuvasa kutwamena, nameme tuvalu twa nzita kuvasa kutwamenena. Kutukendeka lalo ku tumponya twetu ngwetu, ‘Yeni munapu Njambi yetu’ embwe. Yove Shukulu Kalunga, ukazivila mema ku mbunge vaje kuvesi noku kweka vasa kuya.”

Mika 1:7

Vinjambi vavo va seo vakavasanyozola vimbazuvwila-mbazuvwila. Fweto yayo yoshe akupwa cikwizi vakayenyeka, na tumponya twayo twoshe tukemuka numbo ya mamanya, co vaka-Samaliya vakakungulula fweto yavo akupwa cikwizi. Co vije vimbongo lalo vakavifweta vikwizi kweka.”

Hambakuke 2:18

Seo mukajo ili a kamponya? Capwa lika cuma cakupanga ku munu, kakendeka lika vyuma vya makuli. Vuvwa mukajo kakalingi kuli uje wakapangele ngeci akakulaele, njambi uje wakwonwa kwendeka?

Vilinga vya Miluwa 17:29

“Ngecivene, omo tunapu tu vana vendi, kutwapandele kuyongola ngwetu cifwa cendi ca vuNjambi cinapu ngwe cifwa ca ngolinde nambe siliva nambe limanya lyakushonga na vutongwe na mana a munu.

Vilinga vya Miluwa 19:26

Co ololo munamono nakulizivila yeni vavenya evi vyalinakulinga ou mukwetu Paulu. Alinakwendeka ngwendi vinjambi vakupanga ku vanu kesi vinjambi embwe, co nahyana mukukokweya vanu vavangi, kesi munolika mu Efeso embwe oloni na mu lifuti lyoshe lya Asiya.