Hoziya 8:5 - Livulu lya Shukulu Kalunga

⁵ Njazinda ngombe wa nkomba wa ngolinde uje ivakalemesa vanu va mu nganda ya Samaliya. Njinaluvala navo manene. Simbu mukajo vakecela kulemesa tumponya twavo?

Hoziya 8:5 Iomraidhean Croise

2 Mizimbu 13:8

Ololo mwayongola kulwisa vumwene vuje vwaanene Shukulu Kalunga kuli vatekulwila va Ndaviti. Muli na mashwalale vavangi, co lalo muli na vingombe va ngolinde vaje vapangele Yelovowame ngeci vapwe vinjambi veni.

Myaso 19:13

Njinyunge mwamuvwa ku vuvi vwa cizango, kesi utave vunjishwane. Ngecivene, njikapwe wakulumbunuka nakupatuka ku vuvi.

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 10:8

Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Hoziya 8:6

Uje kamponya wamupangele mutongwe wa mu Isalele, co uje kamponya kesi njambi embwe! Uje ngombe wa nkomba wa ngolinde valemesa vanu va mu Samaliya vakamupujula vimbazuvwila-mbazuvwila!

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”

Mika 1:7

Vinjambi vavo va seo vakavasanyozola vimbazuvwila-mbazuvwila. Fweto yayo yoshe akupwa cikwizi vakayenyeka, na tumponya twayo twoshe tukemuka numbo ya mamanya, co vaka-Samaliya vakakungulula fweto yavo akupwa cikwizi. Co vije vimbongo lalo vakavifweta vikwizi kweka.”

Vilinga vya Miluwa 7:41

Co ikeyo vene simbu ije ivamungile kamponya mu cifwa ca ngombe wa nkomba nakukombelelako n̄ombelo nakulinga ciwano cakusingimika cuma cije civalingile.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.