Hoziya 8:4 - Livulu lya Shukulu Kalunga

⁴ “Vanu vange vaangwile vimyene, oloni vacilingile mu cizango cavo vavenya. Vemikile vantwama, kwakujeneka vukaleo vwange. Co vambatele siliva na ngolinde yavo valingile tumponya, kulinyongesa vakevo vavenya.

Hoziya 8:4 Iomraidhean Croise

1 Vimyene 12:28

Omo Yelovowame wamanesele kuyongola evi, co wafulile vingombe vavali va ngolinde, co wendekele kuli vanu vendi ngwendi, “Simbu yoshe munakala nakuya ku Yelusalema mukulemesa. Eni vanu va Isalele, ava vakevo vinjambi veni vaje vamitundisile ku Ingito!”

1 Vimyene 13:34

Co vuvi ovu vwanenele luvinda lwakama ali Yelovowame nakunyongesa muyati wendi.

1 Vimyene 16:31

Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

Njelemiya 16:20

Kuma munu asa kulishongela vinjambi vendi ndi? Embwe, nga alingamo, co mwa vushunga kuvapu vinjambi vavavwa embwe.”

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ndanyele 3:1

Mwene Nevukaneza wapangele kamponya ka ngolinde, mu vulaja kapwile mamita makumi avali na atanu na avali, mu vwihi kapwile mamita atanu, co wakaakele mu cana ca Ndula, mu lifuti lya Mbambilone.

Hoziya 13:1

Ku myaka ya kunima, omo muyati wa Efalime vendekele, co miyati ikwavo ya Isalele vazivile lyova, co vakengele lika kuli Efalime. Oloni vanu va Efalime valingile vuvi akulemesa Mbale, a vyuma evi, co vakatsa.

Hoziya 13:11

Mukuluvala kwange njamyanene vimyene, co omo lalo njaluvalele manene njavatundisileko.

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Hoziya 2:8

Kuma kanangukile ngeci yange uje njamwanene vimbuto, na vinyu, na mazi a olive, na siliva, na ngolinde yoshe vije vyakele nakupangesa mukulemesa Mbale.

Hoziya 8:3

oloni vanavyana vije vinapu vyavivwa. Omwo a vyuma evi, vitozi vavo vakavakavangeya.

Mateo 25:12

Oloni wavakumbulwile ngwendi, ‘Mwa vushunga njimileka ngwange, kunjimizivuka.’ ”

Luka 13:25

Omwo vavenya njuvo akemana nakushoka lipito, cooni omo mukemana anja nakutota a lipito ngweni, ‘Shukulu, tushokolweleko!’ Co akamikumbulula ngwendi, ‘Kunjizivuka oku kumutunda.’

Luka 13:27

Oloni akendeka lalo ngwendi, ‘Kunjizivuka oku kumutunda. Tundeni kuli yange, yeni voshe vaka-kulinga vyavivi.’

Yowano 10:14

Yange kanyungi wamuvwa, njizivuka vimanga vange, co na vimanga vange vanjizivuka.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?