Hoziya 8:14 - Livulu lya Shukulu Kalunga

¹⁴ “Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Hoziya 8:14 Iomraidhean Croise

1 Vimyene 12:31

Co Yelovowame lalo watungile myela yakulemesela akamwa ya malundu, waangwile vaka-kukombelela va ku vanu veka kesi va ku muyati wa vaLevi.

1 Vimyene 16:31

Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

2 Vimyene 18:13

Mu mwaka wamulikumi na iwana omo Mwene Hezekiya washwanene, Senakelivi, mwene wa mu Asilya, walwisile vinganda vyakele mu cimpaka ca Yunda, co wavifungulwile.

2 Mizimbu 26:10

Watungile lalo vimpaka vya tuposhi mushandangala yangoco, wacokwele masima amangi, omwo wakele na matanga amangi a vimuna mu lifuti lya ku vushelumukilo vwa malundu mu kangombe ka yambi na mu vyana. Omwo wazemene kulima, co watakamesele vanu ngeci valime mahya a mikolovozi ya vushuka vwa vinyu mu lifuti lya malundu nakulima livu lya vwilo.

2 Mizimbu 27:4

Co watungile vinganda mu lifuti lya minkinda lya Yunda, co mu shwata watungililemo vimpaka na tuposhi.

Myaso 106:21

Vevalele Njambi uje wavamenene, Njambi uje wapangele vikomokeso vyakama mu Ingito.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 42:13

Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 9:10

“Nambe vinjuvo vya vindopi vyalundumukila asi, oloni tukatunga vinjuvo vyeka vya mamanya akushonga. Nambe vanashinji miti ya mikuyu, oloni tukengisamo miti yaivwa ya kendale.”

Isaya 9:9

Vanu va Isalele voshe, na vaje vakele mu nganda ya Samaliya, vakazivuka ngeci Shukulu Kalunga ikeye nalingi evi. Oloni vakevo vaka-kulyalesa na vaka-kulyaka ku vukama, vakendeka ngwavo,

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 23:27

Vayongola ngwavo vinjozi vije vambulula vikalingisa vanu vange ngeci vanjivale, ngwe muvanjivalele vakukulwila vavo, co vatengulukilile kuli Mbale.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Amose 1:10

Ngecivene, njikenyeka vivumbe vya nganda ya Tile nakwenyeka vimpaka vyayo.” Endome

Amose 1:12

Ngecivene, njikenyeka nganda ya Temane nakwenyeka vimpaka vya Mbozile.” Amoni

Amose 1:14

Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Amose 1:4

Ngecivene, njikenyeka lipela lya Mwene Hazayele, co njikenyeka vimpaka vya Mwene Mbenehandande.

Amose 2:5

Ngecivene, njikatuma tuhya a Yunda nakwenyeka vimpaka vya Yelusalema.”

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.