Hoziya 8:13 - Livulu lya Shukulu Kalunga

¹³ Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 8:13 Iomraidhean Croise

Kutuuka 20:3

“Kesi mulemese njambi weka kuvanga yange lika.

Kutuuka 32:34

Ololo iluka, ukatwamenene vanu nakuvatwala ku mwela uje unjakulekele. Kenga, kangelo kange ikeye akakutwamenena, oloni simbu ikaija omo yange njikanyanyamesa vanu ava a vuvi vwavo.”

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Njelemiya 14:10

Shukulu Kalunga alinakwendeka ali vanu ava ngwendi, “Vanu ava vazema kulumbazala ngoco kuvasa kulinyunga vakevo vavenya embwe. Ngecivene, kunjesi nakuvwaelela navo. Njikanuka vuvi vwavo, vuje vuvanalingi, co njikavanyanyamesa omwo vuvi vwavo.”

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Ezekiyele 29:16

VaIsalele kuvakakulaela lalo vaka-Ingito mukuvakwasa. Vanu va Isalele vakanuka ngeci kuma capwile cacivi omo vashakezekele vukwasi kuli vaka-Ingito. Asinoni vaIsalele vakazivuka ngeci yange njapwa Kalunga wa Akamwa ya Vyoshe.”

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 5:6

Co vatwala vimanga vavo na vingombe mukukombelela kuli Shukulu Kalunga, oloni valinakulipesa ngoco. Kuvasa kumuwana, omwo navaseza.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 9:6

Omo tuyando twakama tukaija, co vanu voshe vakalishandoka, co vaka-Ingito vakavakungulula, vakavakungulula nakuvatsinda ku Mefise! Vufuko vwavo vwa ngolinde na mitambela aje vatungilile membo avo vikakupuka mu shaku na mu mambimbo.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Amose 5:22

Nameme munjikombelela vin̄ombelo vyeni vya kwenyeka, na milambu ya vimbuto vya vinona, kunjikavitambula, nambe mukombelela vin̄ombelo vya kulitombola vya vimuna veni vakununa, kunjikavitambula.

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.

Luka 12:2

Kukwesi cuma cakufwika civakonwa kufukula nambe cuma cakwendekela mu vushweke kuvanga cikajomboloke.

1 Kolinte 11:20

Omo mukungulukila amo, kumwesi nakwiija nakulya ku Mesa ya Mwene.

1 Kolinte 11:29

Omwo nga kuwanangukile muunalumbunukila muvila wa Mwene omo ulya likende nakunwa nganja, ulinakulihisa yove vavenya omo ulya nakunwa.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Kwituluka mu Mashiko 28:68

Shukulu Kalunga akamiilwisila ku Ingito mu mato, nameme ikeye wendekele ngwendi kumukelukila lalo kuje. Co kuje ku Ingito mukashaka kulilandesa kuli vitozi veni kupwa vindungo va vanalume na ava va vanakazi, oloni naumo wai akashaka kumilanda.”

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.