Hoziya 7:7 - Livulu lya Shukulu Kalunga

⁷ “Mukushukuma kwa vukalu vwavo vatsiile vantwama vavo. Vimyene vavo vavatsiile umo na umo kulikavasana, oloni naumo wai walombelele kuli yange ngeci njivakwase.”

Hoziya 7:7 Iomraidhean Croise

1 Vimyene 15:28

Eci calingiwile mu mwaka wamucitatu wakushwana kwa Mwene Asa wa mu Yunda. Co Mbasha washwanene Nandave kupwa mwene wa mu Isalele.

1 Vimyene 16:18

Omo Zimeli wamwene ngeci nganda vanaifungulula, wakovelele mukati ka cimpaka cakukola ca njuvo ya mu lipela, wenyekele lipela lyendi walyenyekelelemo, watsile.

1 Vimyene 16:22

Akumanesa, vaje vashakele Omeli vahyanene, co Timbeni vamutsiile, co Omeli wapwile mwene.

2 Vimyene 10:14

Co Yehu washikile vanu vendi ngwendi, “Vakwateni oku vayoya.” Co vavakwatele oku vayoya, co wavatsiilile kuyehi na mbulu yakele kuje. Co voshe vapwile makumi awana na vavali, co naumo wai wa ali vakevo wasaleleo na mwonyo.

2 Vimyene 10:7

Omo vatambwile mukanda wa Yehu, co vakulunu va mu Samaliya vatsiile vatekulwila voshe va Ahave makumi atanu na avali, vaakele mitwe yavo mu mitonga, co vaitumine ku Njezelele kuli Yehu.

2 Vimyene 15:10

Shalume muna Njambeshe watengulukilile Mwene Zekaliya nakumulwisa, co wamutsiilile ku Imbelyame, co wamushwanene kupwa mwene.

2 Vimyene 15:14

Menaheme muna Ngandi watundile ku Tileza waile ku Samaliya, watsiile Shalume, co wamushwanene a litanda kupwa mwene.

2 Vimyene 15:25

Co mwata umo wa mashwalale va Pekahiya, lizina lyendi Peka muna Lemaliya, watumbile vutumbe amo na vanalume makumi atanu va ku Ngilyande, co vatsiilile Pekahiya mu lipela mukati ka cimpaka mu Samaliya, co Peka wamushwanene kupwa mwene.

2 Vimyene 15:30

Mu mwaka wamumakumi avali omo Yotame muna Uziya wapwile mwene wa mu Yunda, Hosheya muna Elahe watumbile vutumbe vwakulwisa Mwene Peka, co wamutsiile, wamushwanene kupwa mwene.

2 Vimyene 9:24

Aje vene Yehu wananele manene vuta vwendi vwa lusipa na nzili yendi yoshe, co washele mukili mukati ka vitsili vya Njolame, co uje mukili wamutivile ku mbunge. Co Njolame wawililile mu litemba lyendi watsile.

2 Vimyene 9:33

Yehu wendekele kuli vakevo ngwendi, “Mumbileni asi.” Co vombilile Njezevele asi, maninga endi ashamukilile a civumbe na a tuvalu. Yehu wendesele tuvalu twendi na litemba a muvila wendi,

Yombi 36:13

“Co vaje vaka-vuvi vakatwalao kuviilila, nameme omo vavahisa kuvashaka kulomba ngeci vavakwase.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Isaya 43:22

Shukulu Kalunga alinakwendeka ngwendi, “Isalele munajuka, kesi kujuka kwakunjilemesa.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Hoziya 13:10

Mwalombele mwene na vantwama, oloni vatijo vasa kwamena lifuti?

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Hoziya 7:10

Kulyalesa kwa vanu va mu Isalele kulinakumwesa mulonga wavo. Nameme vyoshe vije vyasholokele, vakevo kuvelukile kuli yange Kalunga Njambi yavo.

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Hoziya 8:4

“Vanu vange vaangwile vimyene, oloni vacilingile mu cizango cavo vavenya. Vemikile vantwama, kwakujeneka vukaleo vwange. Co vambatele siliva na ngolinde yavo valingile tumponya, kulinyongesa vakevo vavenya.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.