Hoziya 7:4 - Livulu lya Shukulu Kalunga

⁴ Voshe vali na mashungu amavi vakujeneka kulongwa. Cizindo cavo cikakumuka ngwe vitale mu liko lya kwocela makende, vije kasa kushambeya muka-kwoca makende noo mukasha wa makende unafutunuka ngeci vawoce.

Hoziya 7:4 Iomraidhean Croise

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Hoziya 4:10

Mukalya litambelo lyeni lya vin̄ombelo, oloni kumukakuta, mukalemesa njambi wa lusemo, oloni anga kumukakala na vana, omwo munanjikengesa nima nakukava vinjambi veka.”

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.

Hoziya 4:2

Valinga vikulaeso, co lalo vavipokola, vendeka makuli, nakutsiya, nakwiva, nakulinga vupangala. Muuka unatumu, co lalo kutsiya kwakulikavasana kulinakutwalao simbu yoshe.

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.