Hoziya 7:3 - Livulu lya Shukulu Kalunga

³ Shukulu Kalunga alinakwendeka ngwendi, “Vanu valinakukwisa mwene na vamyata vendi a matumbe avo amavi.

Hoziya 7:3 Iomraidhean Croise

1 Vimyene 22:13

A simbu ije vene, uje mwata waile nakukasana Mikaya wayevetelele Mikaya ngwendi, “Vaka-kwimanena voshe vanendeka lijwi limo, nove majwi ove alitombole na majwi a vakweni.”

1 Vimyene 22:6

Ngecivene, Ahave wasanene vaka-kwimanena, vapwile 400, co wavehwile ngwendi, “Citava ngeci njiye nakulwisa Lamote nambe embwe?” Co vakevo vamukumbulwile ngwavo, “Ya ukavalwise. Shukulu Kalunga akakwana nzili yakuvafungulula.”

Njelemiya 37:19

Vikajo vyalingiwa kuli vaka-kwimanena vove vaje vakulekele ngwavo mwene wa Mbambilone kakaija nakukulwisa, nambe kulwisa lifuti lyove?

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Hoziya 10:13

Oloni mwakunine vuvi na kuteja vuvi lalo. Munali ku vushuka vuje vwatundu ku makuli eni. “Omo mwakulaelele a matemba eni a nzita, na a vungi vwa mashwalale veni,

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Hoziya 4:2

Valinga vikulaeso, co lalo vavipokola, vendeka makuli, nakutsiya, nakwiva, nakulinga vupangala. Muuka unatumu, co lalo kutsiya kwakulikavasana kulinakutwalao simbu yoshe.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

Hoziya 7:5

A litangwa lya ciwano cakulisamba ca mwene, co vapendesele mwene na vamyata vendi na vinyu kuvapwisa vikolokomba.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

1 Yowano 4:5

Vaka-kwimanena vaje va makuli vendeka a vin̄anda vya a kaye, co vaka-kaye valinakuvatolilila omwo vakevo vakundama ku kaye.