Hoziya 7:2 - Livulu lya Shukulu Kalunga

² Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 7:2 Iomraidhean Croise

Yombi 34:21

Mesho endi alinakukenga mu vingila vya vanu.

Myaso 10:11

Muka-vuvi endeka mu mbunge yendi ngwendi, “Njambi nevala, nakenge kweka, co kasa kunjimona!”

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Myaso 90:8

Yove wazivuka vuvi vwetu, nameme vuvi vuje tukalingi mu vushweke.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Isaya 44:19

Muka-kushonga tumponya kesi na mana nambe kunyanyama ngeci endeke ngwendi, “Vitale vimo njinavyenyeka. A manungu avyo, njinocoo situ nakuyilya. Citi cije casaleleo njacishongele kamponya. Vikoni njikulamena asi nakulemesa cimbundi ca citi?”

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Njelemiya 14:10

Shukulu Kalunga alinakwendeka ali vanu ava ngwendi, “Vanu ava vazema kulumbazala ngoco kuvasa kulinyunga vakevo vavenya embwe. Ngecivene, kunjesi nakuvwaelela navo. Njikanuka vuvi vwavo, vuje vuvanalingi, co njikavanyanyamesa omwo vuvi vwavo.”

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 17:1

Shukulu Kalunga alinakwendeka ngwendi, “Vanu va mu Yunda vuvi vweni vanavusoneka na mufwitilo wa cikuvo, vanavusoneka mu vimbunge vyeni na shongo ya ndaimani, co vavucakeya a vimbango vya mitula yeni.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Ezekiyele 21:29

“Vimona vije mulinakumona vinapu vya makuli, na vyuma vije mulinakutumbula vinapu vya makuli. Yeni munapu vaka-vuvi na vaka-kupenga-penga, co litangwa lyeni lya cihiso cakumanesela lilinakwija. Co mukwale ukatapa mikoshi yeni.

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.

Yona 1:2

“Ya ku Nenevayi, nganda ije yakama, ukavambulwile, omwo njinamono vuvi vwa vanu vamwo.”

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Luka 12:2

Kukwesi cuma cakufwika civakonwa kufukula nambe cuma cakwendekela mu vushweke kuvanga cikajomboloke.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.