Hoziya 7:14 - Livulu lya Shukulu Kalunga

¹⁴ Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Hoziya 7:14 Iomraidhean Croise

Kutuuka 32:6

Co alikaki mutondo-tondo vanenele tusitu ngeci vavakombelele na tusitu vakwavo vaje valile kupwa milambu ya kulitombola. Co vanu vatumbamene ku ciwano cije, oloni vaciimwisile ciwano ca kupenda nakulinga vupangala.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 52:5

Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Isaya 65:14

Vakaimba nakujolela, oloni yeni mukalila nakupokoka vimbunge.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Mbimbi 2:18

Yove civumbe ca Yelusalema, vimbunge vya vanu vove vyatambekele kuli Shukulu Kalunga. Misozi yove iite mutanya na vutsiki ngwe ndonga, kesi ujuke kulila nakulinyenga!

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 13:9

“Njikaminyongesa, yeni vanu va mu Isalele! Co iyajo akamikwasa?

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

Hoziya 8:2

Nameme vanjitumbula ngwavo nji Njambi yavo nakutumbula ngwavo vapwa vanu vange, co lalo ngwavo vanjizivuka,

Amose 2:8

A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!

Maako 9:27

Co voshe vaile mu mahya avo nakuvuya mikolovozi ya vushuka vwa vinyu, vavulingile vinyu nakulinga ciwano. Co vaile mu njuvo ya njambi yavo, kuje vakalile nakunwa, co vashendumwine Avimeleke.