Hoziya 7:13 - Livulu lya Shukulu Kalunga

¹³ “Vananyongo! Vananjiseza nakunjitengulukila. Vakavanyongesa. Njashakele kuvamena, oloni kunjilemesa kwavo kwapwile kwa makuli.

Hoziya 7:13 Iomraidhean Croise

Nehemiya 1:10

“Shukulu Kalunga, ava vakevo vangamba vove, na vanu vove vawapatwile na nzili yove yakama.

Yombi 22:17

Ava vakevo vanu vaje vavyanene Njambi, co vakulaelele ngeci ikeye nacimo cai asa kuvalinga.

Myaso 106:10

Wavamenene ku vitozi vavo, co wavapatwile ku vitozi vavo.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 30:2

Vakai ku Ingito mukulomba vukwasi kujeneka kwihula kunangula kwange. Vashaka Ingito ivanyunge, co vaaka kukulaela kwavo muli mwene wa Ingito.

Isaya 31:1

Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 63:8

Shukulu Kalunga wendekele ngwendi, “Mwa vushunga vapwa vanu vange, kuvasa kunjikwisa embwe.” Ngecivene, wavamenene

Njelemiya 14:10

Shukulu Kalunga alinakwendeka ali vanu ava ngwendi, “Vanu ava vazema kulumbazala ngoco kuvasa kulinyunga vakevo vavenya embwe. Ngecivene, kunjesi nakuvwaelela navo. Njikanuka vuvi vwavo, vuje vuvanalingi, co njikavanyanyamesa omwo vuvi vwavo.”

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Njelemiya 51:9

Vaje vaka-kwija vakele muje vendekele ngwavo, ‘Tuneseka kusaka Mbambilone, oloni tunonwa. Tuyisezeni twilukeni ku membo etu. Njambi nahisa Mbambilone na nzili yendi yoshe, co nayinyongesa yoshe njwa.’ ”

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 16:23

Shukulu Kalunga wa Akamwa ya Vyoshe wendekele ngwendi, “Unanyongo! Unanyongo! Yove walingile vuvi vwoshe vuje,

Ezekiyele 18:2

ngwendi, “Cisimo mukajo eci vanu valinakwendeka mu lifuti lya Isalele? ‘Visemi valile mikolovozi ya vushuka vwa vinyu vyakungangamena, oloni vana vavo vakevo vazivile kungangamena ku mayo.’ ”

Ezekiyele 18:25

“Oloni mwendeka ngweni, ‘Vije vyalinakulinga Shukulu Kalunga kesi vya vushunga embwe.’ Tolilileni kuli yange, yeni vaIsalele. Kuma mulinakuyongola ngweni ngila ije njilinakulingilamo vyuma kesi ya vushunga ndi? Ngila yeni ikeyo kesi ya vushunga.

Ezekiyele 34:6

Ngecivene, vimanga vange vayevangelele akamwa ya malundu amalaja na ku minkinda. Vashandokelele mu kaye mwoshe, co naumo wai wavashakezekele nambe kuvakengezeka.

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 5:7

Vanapu vakujeneka kulongwa kuli Shukulu Kalunga, co vana vavo kuvakundamene kuli ikeye embwe. Ngecivene, ololo vakevo na lifuti lyavo vakavanyongesa.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Hoziya 7:3

Shukulu Kalunga alinakwendeka ngwendi, “Vanu valinakukwisa mwene na vamyata vendi a matumbe avo amavi.

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

Hoziya 9:17

Njambi uje njilinakupangela akavyana vanu vendi, omwo vanavyana kumutolilila. Vakapwa vaka-kwendangana akati ka miyati ya vanu.

Yona 1:10

Yona wavalekele muje mwatewele kuli Shukulu Kalunga. Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Mika 6:4

Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Kwituluka mu Mashiko 15:15

Mwanuke ngeci neni mwapwile mu vinzinda mu lifuti lya Ingito, co Shukulu Kalunga Njambi yeni wamikulile, mukemwo njinamishiki mashiko awa ku litangwa lya lelo.

1 Yowano 1:10

Nga twendeka ngwetu kutwalingile vuvi, co tunapwisa Njambi muka-makuli, co lijwi lyendi kulyesi muli yetu.

Kujombolola 8:13

Asinoni njakengele, co njazivile ngonga uje wakele nakupulula kwilu a mukambwila wendekele na lijwi lyakama ngwendi, “Kekange kayando! Kayando! Kayando kakama kuli vaje vakala ano asi, omwo vililimo vije vinasalako vya malupembo a vaje tungelo vatatu vikaluma!”