Hoziya 6:5 - Livulu lya Shukulu Kalunga

⁵ Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Hoziya 6:5 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

1 Vimyene 14:6

Oloni omo Ahiya wamuzivile alinakwija ku cikolo, wendekele ngwendi, “Kovela, njakuzivuka yove munakazi wa Yelovowame. Omwo vikajo ulinakulikwisa kupwa munu weka? Njili na muzimbu wauvi ali yove.

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:17

Omo Ahave wamwene Elinja, co wendekele kuli ikeye ngwendi, “Kuma yove ou, muka-kuyandesa manene mu Isalele!”

1 Vimyene 19:17

Woshe munu akaputumuka kuli Hazayele kumutsiya, co vakamutsiya kuli Yehu, munu woshe akaputumuka kumutsiya kuli Yehu, vakamutsiya kuli Elisha.

2 Vimyene 1:16

co wakendekele kuli ikeye ngwendi, “Omu mukemwo mwanendeka Shukulu Kalunga ngwendi, ‘Yove watumine miluwa kuli Mbalezevuve, njambi wa Ekelone nakumwihula, ngwe mu Isalele kumwesi Njambi wakwihula, co kuukenduka kukuvulumuka kwove, oloni ukatsa!’ ”

2 Mizimbu 21:12

Elinja muka-kwimanena watumine mukanda kuli Njeholame ngwendi, “Shukulu Kalunga, Njambi ya kukulwila yove Ndaviti nakuhisa, omwo kuwakavele cimweso ca isho Mwene Njosefati, nambe cimweso ca kuku yove Mwene Asa.

Yombi 15:30

co ikeye kakatundu mu lisusulungu. Co ikeye akafwa ngwe muti uje minango yawo inenye na tuhya, muti uje vishani vyawo vinapekumuka na lihunzi.

Yombi 34:10

“Ngecivene, njitolilileni, yeni vanalume vaka-kuzivisisa! Njambi kesi kulinga vuvi nambe kamandondo, co Muka-nzili yoshe kesi kulinga vuvi embwe.

Myaso 119:120

Njijaja manene omo njikuyongola, njili na lyova lya kusompa kwove.

Myaso 37:6

akavyazimisa vushunga vwove ngwe litanya lya akati ka mutwe.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 1:10

Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Njelemiya 1:18

Co yange njikakupwisa nganda yakukola manene, nambe ngwe manda ya vutale, nambe civumbe ca vunengu, mukulwisa lifuti lyoshe, vimyene voshe va mu Yunda, na vamyata vamwo, na vaka-kukombelela vamwo, na vanu voshe va mu lifuti.

Njelemiya 13:13

Asinoni valeke ngwove, ‘Yange Kalunga, njikashulisila vinyu vanu va mu lifuti lino noo vakapenda, vimyene vatekulwila va Ndaviti, na vaka-kukombelela, na vaka-kwimanena, na vanu voshe va mu Yelusalema.

Njelemiya 23:29

Majwi ange apwa ngwe tuhya, co lalo apwa ngwe muveto uje utavozola mamanya vimbazuvwila-mbazuvwila.

Njelemiya 5:14

Ngecivene, Shukulu Kalunga Njambi Muka-nzili yoshe wendekele kuli yange ngwendi, “Njelemiya, omwo vanu ava vanendeka vyuma evi, lijwi lyange njikalipwisa ngwe tuhya mu kanwa kove. Vanu va mu Isalele na mu Yunda vakapwa ngwe vitale, co tuhya tukavenyeka njwa.”

Ezekiyele 11:4

Ngecivene, ololo, muna munu, vambulwile vuka-kwimanena vwakuvahisa.”

Ezekiyele 3:9

Njikakukolesa mbe ngwe limanya, nakukukolesa mbe ngwe ndaimani, kesi uzive lyova lya vaje vaka-kutengulukila.”

Ezekiyele 32:18

“Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 43:3

Cimona eci capwile ngwe cije njamwene omo Njambi wezile mukunyongesa Yelusalema, na cije njamwene ku ngenge ya Ndonga ya KeVaLe Co njawililile asi na cihanga cange cakwatele a livu.

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Vilinga vya Miluwa 7:31

Omo wamwene evi Mosesa walikomokelele a cuma cije camwene, co washwenyele kuyehi na liputa kukakengesesa mwamuvwa. Oloni wazivile lijwi lya Shukulu Kalunga ngwalyo,

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Efeso 6:17

Co zaleni tepa yakwovoka, na lijwi lya Njambi ngwe moko ya mukwale ije yanamyana Munzinzime.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.

Kujombolola 2:16

Tenguluka ku vivi vyove! Nga shove, co njilinakwija vwasi kuli yove nakulwisa vanu vaje na moko ya mukwale yakutunda ku kanwa kange.

Kujombolola 9:15

Ngecivene, vaje tungelo vawana vavazitwile, vanavavwaesela cimweja ku simbu ino ya litangwa lino lya ngonde ino ku mwaka uno mukutsiya litambelo lyamucitatu lya vanu voshe.

Kujombolola 9:21

Nambe kutenguluka kutunda ku kutsiya nambe ku manseno avo nambe ku vupangala vwavo nambe ku vwizi vwavo.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.

1 Samwele 15:32

Ngecivene, Samwele washikile ngwendi, “Neneni Mwene Angange kuno.” Co Angange wezile kuli ikeye, nakujaja na lyova, co Angange walyendekesele ikeye vavenya ngwendi, “Kutsa capwa cuma cacikalu manene!”

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.