Hoziya 6:4 - Livulu lya Shukulu Kalunga

⁴ Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

Hoziya 6:4 Iomraidhean Croise

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Njelemiya 34:15

Mu matangwa amandondo lika a kunima, mwatengulwile viyongola vyeni, mwalingile vije vyanjivwasele. Yeni voshe mwalizivasanene kwecela ngoco vavushoko vweni vaIsalele, co mwalikumiiye cikumiiyo ku mesho ange, mu Njuvo yange muje muvakanjilemesela.

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 5:7

Co Shukulu Kalunga wehwile ngwendi, “Omwo vikajo njisambesa vuvi vwa vanu vange? Vananjiseze nakulemesa vinjambi vangoco. Njalisile vanu vange noo vakutile, oloni valingile vupangala mu vinjuvo vya vikwizi.

Njelemiya 5:9

Kuma kunjapandele kuvanyanyamesa a vyuma evi, nakulinga shambandinga a muyati wa vanu wa cifwa cangacije ndi?

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Mateo 13:21

Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela.

Maako 3:12

Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.