Hoziya 6:3 - Livulu lya Shukulu Kalunga

³ Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Hoziya 6:3 Iomraidhean Croise

2 Samwele 23:4

napu ngwe ceke ca mutondo omo litangwa lituuka mutondo omo kukwesi mashelwa, ngwe litangwa livyakumisa mwila omo nyonzi inavatuka.”

Yombi 29:23

munu na munu waatambwile mwamuvwa, ngwe vandimi vatambula nyonzi ya musanda.

Myaso 19:4

oloni vivakendeka vaviziva kwoshe-ikwoshe, kuje kwakala vanu ano asi. Njambi navwaesela litangwa mwela mwilu,

Myaso 19:6

Likelyo lituukila ku shongo imo ya lilu, nakulaukila ku shongo ikwavo ya lilu, cuma nacimo cai casa kuvanda ku ntwima yalyo.

Myaso 63:8

Njikakateya kuli yove, co livoko lyove linjinyunga mwamuvwa.

Myaso 65:9

Ukanyungu lifuti akulitumina nyonzi, co wakamo vwilo. Ukashulisa vana va vindonga na mema, nakumenesa vimbuto asi. Omu mukemwo muukalingi.

Myaso 72:6

Mwene apwe ngwe nyonzi inyokela mu mahya, ngwe nyonzi ya vusuku-mbundu ije inyokela mu lifuti.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Isaya 54:13

“Yange vene njikalongesa vanu vove, nakuvavezikisa na kwoloka.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Hoziya 10:12

Njendekele ngwange, ‘Limeni kwoloka, nakukuna vushunga, co mukateja vivezikiso vije vikasholoka akulikundika kweni kuli yange. Simbu yeni yakwiluka kuli yange Kalunga keni inete, co njikaija nakumivezikisa!’

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Hoziya 14:6

Vakapwa ngwe kukola kwa minango, vakapwa vavavwa ngwe miti ya olive. Co vakanika lwengo lwaluvwa ngwe miti ya kendale ya ku Lembanone.

Hoziya 2:20

Njikanyunga cikulaeso cange nakukupwisa u wange wa cikongo ca mbunge, co ukazivuka ngeci yange nji Kalunga.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

2 Petulu 1:19

Ngecivene, twasimpile na muzimbu uje watundile mwilu uje uvambulwile vaka-kwimanena. Nga mutolilila ku muzimbu ou, co mulinga mwamuvwa, omwo unapu ngwe ndeya ilinakutwila ceke mu lisusulungu noo Litangwa linaki na ceke ca litota lya mutondo linatwila ceke mu vimbunge vyeni.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”