Hoziya 6:2 - Livulu lya Shukulu Kalunga

² Munima ya matangwa avali nambe atatu, akatwindula, ngeci tukayoye ku mesho endi.

Hoziya 6:2 Iomraidhean Croise

Kushangumuka 17:18

Avilahama wendekele kuli Njambi ngwendi, “Omwo vikajo kuutavela Ishimela kupwa shwana yange?”

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

Myaso 61:7

Ashwane myaka yoshe, amolika nove yove Njambi, munyunge na cizemo cove cije kucesi kutenguluka na kulongwa kwove.

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Loma 14:8

Nga tuyoya, tulinakuyoyela kuli Mwene, co nga tutsa, tulinakutsila kuli Mwene. Ngecivene, nambe tuyoya nambe tutsa, tunapu vanu va Mwene.

1 Kolinte 15:4

ngwavo vamutsindile, co munima ya matangwa atatu wasangukilile ku mwonyo, ngwe muvanasoneka mu Visoneka,