Hoziya 5:5 - Livulu lya Shukulu Kalunga

⁵ Co kulyalesa kwa vanu va mu Isalele kulinakumwesa mulonga wavo. Vuvi vwavo vulinakuvatanukisa nakuwa, co na vanu va mu Yunda valinakuwa amo navo.

Hoziya 5:5 Iomraidhean Croise

Visimo 11:21

Zivukeni ngeci vaka-vuvi vakavahisa, oloni vaka-vushunga vakovoka.

Visimo 11:5

Kulongwa kulingisa muka-vushunga kuyoya mwamuvwa, oloni muka-vuvi akawa a vuvi vwendi vavenya.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 24:16

Nameme muka-vushunga awa visimbu vitanu na vivali, akatukamo lalo, oloni vaka-vuvi tuyando tukavanyongesa.

Visimo 30:13

Kuli vanu vamo vakaliyongola ngeci vanapu vavavwa manene, eyo, valiyongola ngeci vanapu vavavwa!

Isaya 3:8

Eyo, Yelusalema inanyongo! Co Yunda inau! Vyuma vyoshe valinakwendeka nevi valinakulinga vilinakulwisa Shukulu Kalunga, valinakushaula Njambi citona-mesho.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Isaya 44:9

Vanu vaje valinga tumponya kuvesi na seo, na tumponya vaje vavalinakulinga vapwa vangoco. Voshe vaje valemesa tumponya otu vanapu tupuputwa, vali lalo ku nzimba, co vakavazivisa shwamwa.

Isaya 59:12

“Shukulu Kalunga, milonga yetu ku mesho ove yaingi manene. Vuvi vwetu vulinakutuhisa. Twavuzivuka.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 4:5

Vutsiki na mutanya mukatanozoka, co lalo na vaka-kwimanena valinakutanozoka ngeci mweni. Co njikanyongesa Isalele, vanyoko.

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Hoziya 7:10

Kulyalesa kwa vanu va mu Isalele kulinakumwesa mulonga wavo. Nameme vyoshe vije vyasholokele, vakevo kuvelukile kuli yange Kalunga Njambi yavo.

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Amose 5:2

Mumbanda wa Isalele nau, kakendukamo lalo. Nasala nalala mu livu, naumo wai amukwasa ngeci endukemo.

Mateo 23:31

Ngecivene, mwatavele vukaleo yeni vavenya ngweni, ‘Tu vatekulwila va vaje vatsiile vaka-kwimanena.’

Luka 19:22

Co Shukulu yendi wamulekele ngwendi, ‘Ove ngamba wamuvi! Njikakuhisa na majwi akutunda mu kanwa kove! Ngwange wanjizivukile ngwove yange nji munu wa mukalu, njikanono cije kesi cange, nakuteja cije kunjakuvile.