Hoziya 5:14 - Livulu lya Shukulu Kalunga

¹⁴ Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Hoziya 5:14 Iomraidhean Croise

Yombi 10:16

Nga yange njivezika, co yove unjiyomba ngwe ndumba mwakayombo kasitu, co ulisholola lalo kupwa muka-kulinga vikomokeso ali yange.

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 7:2

nga kuulingimo, co vanjitatuvula nakunjisanyozola vipuka-vipuka ngwe vindumba, co naumo wai anjamena.

Isaya 5:29

Mashwalale vavo vakaana ngwe vindumba vaje vanatsii kasitu, co vamukokela kulyala kuje naumo wai avatambulaye.

Njelemiya 25:38

Shukulu Kalunga naseza vanu vendi, ngwe ndumba akatuka mu livandelo lyendi. Vukalu vwa nzita, nakuluvala kwakama kwa Shukulu Kalunga vinatengulula lifuti kupwa mambo.

Mbimbi 3:10

Vilinakunjivandela ngwe mbeya nakunjijombokela ngwe ndumba.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 2:12

Njikanyongesa mikolovozi yendi ya vushuka vwa vinyu na miti yendi ya mikuyu, vije vyendekele ngwendi vaka-cizemo cendi vamwanenevyo kupwa fweto yendi omo walingile navo vupangala. Co njikatengulula vitungu vyendi vya mikolovozi ya vushuka vwa vinyu na vitungu vya miti ya vushuka kupwa mambo, co tusitu vakaviviisa.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Amose 2:14

Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo.

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Kwituluka mu Mashiko 28:31

Vingombe veni vakavatsiya oku munakengeko, oloni kumukali situ yavo. Vimulu veni vakavakokangeya nakuvatwala kulyala oku munakengeko, oloni kuvakamiilwisilavo lalo embwe. Vimanga veni vakavana kuli vitozi veni, co naumo wai akamyamena.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.