Hoziya 5:10 - Livulu lya Shukulu Kalunga

¹⁰ Shukulu Kalunga alinakwendeka ngwendi “Yange njinaluvala omwo vantwama va mu Yunda vanakovelela Isalele nakwiva lifuti lyendi. Ngecivene, njikamwanyena cihiso ali vakevo ngwe livazi.

Hoziya 5:10 Iomraidhean Croise

Myaso 32:6

Ngecivene, voshe vaka-kulongwa vanapande kulombela kuli yove a simbu yakujeneka, co omo tuyando twakama twija, kutwasa kuvawana.

Myaso 69:24

Vamwese vukalu vwove, luvala navo nakuvakwata!

Myaso 88:17

Litangwa lyoshe vyuma evi vinanjizengeleka ngwe livazi, co vinanjishetula ku mitambela yoshe.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 22:28

Kesi ukashwenyese cimweso ca nginga yalaja ije ivatwile vakukulwila vove.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Ezekiyele 22:22

Vakavasangunwina mu Yelusalema ngwe muvakasangununa siliva mu lutengo, cooni vakazivuka ngeci yange Kalunga njinavanyanyamesa na vukalu vwange.”

Ezekiyele 7:8

“Ololo ukaziva vukalu vwange vwoshe. Njilinakukusompa omwo a vije viwunalingi, co njikakwilwisila vunyengwe vwove vwoshe a futisi yove.

Mateo 7:27

Co omo nyonzi yanyokele, na livazi lyezile, co lihunzi lyakama lyahuwile nakuningangesa ije njuvo, co yawile, co kuwa kwayo kwapwile kwakuvi manene!”

Luka 6:49

Oloni woshe aziva majwi ange kujeneka kuwononoka napu ngwe munalume watungile njuvo yendi kujeneka kwinda luvula, omwo livazi lyapupile kuje ku njuvo, co yasiwukile, kuwa kwayo kwapwile kwakuvi manene!”

Kwituluka mu Mashiko 19:14

“Kesi mukashwenyese nginga ya vushwana vwa mukweni, ije ivemikile vakukulwila veni mu lifuti lije lyakamyana Shukulu Kalunga Njambi yeni kulishwana.

Kwituluka mu Mashiko 27:17

“ ‘Cisingo ca Njambi cikale ali munu woshe uje atundisa nginga ya mukwavo.’ “Co vanu voshe vakakumbulula ngwavo, ‘Ewa!’