Hoziya 4:9 - Livulu lya Shukulu Kalunga

⁹ Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 4:9 Iomraidhean Croise

Visimo 11:31

Vaka-vushunga vakawana cikandelela ano asi. Oloni mwa vushunga vaka-kupenga-penga, na vaka-vuvi, Njambi akavahisa.

Visimo 12:14

Cikandelela cove nambe kunyanyama kwove kunemana a vyuma vije wendeka, na vyuma vije ulinga.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Isaya 24:2

Cikafwa mumolika ku voshe, ku vaka-kukombelela na vanu vangoco, vindungo na vashukulu vavo, vaka-kulanda nakulandulula, na vaka-kukumwisa, na vaka-kukumuna, vaka-kufuka na tuutu.

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Ezekiyele 44:10

Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 44:12

Oloni omwo valingisile vanu va Isalele kulemesa tumponya, co mu ngila eyi vene vatwamenenene vanu mu vuvi, yange Kalunga wa Akamwa ya Vyoshe, njalikumiiya nakulisinga ngwange vanapande kuvanyanyamesa.

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

Hoziya 10:10

Njikalwisa vaje vanu vaka-vuvi nakuvanyanyamesa. Co vaka-mafuti vakalipandakana amo mukuvalwisa, co vakavanyanyamesa a vuvi vwavo vwavungi-vungi.

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”