Hoziya 4:6 - Livulu lya Shukulu Kalunga

⁶ Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Hoziya 4:6 Iomraidhean Croise

2 Mizimbu 15:3

VaIsalele vakele simbu yakama vajenekele Njambi wa vushunga, vajenekele vaka-kukombelela ngeci vavalongese, lalo vajenekele lishiko.

Yombi 36:12

Oloni nga kuvamutolilila, co vakanyonga ku moko ya mukwale, co vakatsa mu vunzimba vwavo.

Myaso 119:139

Vukalu vwange vwakama manene, omwo vitozi vange vavyana majwi ove.

Myaso 119:153

Kenga a n̄avava yange, co njovole, omwo yange kunjevalele mashiko ove.

Myaso 119:61

Nameme vaka-vuvi vanjitela myeto, oloni yange kunjivala mashiko ove.

Myaso 18:27

Yove ukamena vaje vaka-kulikeesa, oloni ukakeesa vaje valyalesa.

Visimo 10:21

Majwi a muka-vushunga ahwimisa vimbunge vya vanu vavangi, oloni nga u cilema, co wasa kulitsiya lika yove vavenya a mana.

Visimo 19:2

Kesi mwamuvwa kukala na ntwima mu mbunge kukala na mana, nambe kuzambula manene uzimbalesa ngila.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 29:12

Nga ulyana ku munu umo uje kazivuka kulava nakumulomba ngeci akulavelelyo, co akakukumbulula ngwendi, “Kunjizivuka kulava.”

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 5:13

ngecivene, vakamitwala ku mafuti eka kupwa vinzinda. Vantwama veni vakatsa ku njala, co vanu vangoco vakatsa ku lihwila.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Hoziya 4:12

Vanu vange valomba mana ku tumponya twavo twa viti! Co viti vivaleka vije vivashaka kuzivuka! Vananjiseza. Ngeci mwa munakazi uje alipwisa cikwizi, vanu vange vanalyana vakevo vavenya ku vinjambi veka.

Hoziya 4:14

Oloni kunjikavanyanyamesa a vyuma evi embwe, omwo neni mulinakulinga vukwizi na vikwizi va mu njuvo yakulemesela, co mukombelela vin̄ombelo ku vinjambi veka amolika navo. Ngwe cisimo ngwaco, ‘Vanu vakujeneka mana vakanyonga!’

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Hoziya 7:11

Isalele alinakupulula ngoco ngwe liyembe wakujeneka mana, vanu vendi akulivanga valinakusana Ingito mukuvakwasa, co lalo vatewela ku Asilya!

Hoziya 7:9

co kuvanangukile ngeci oku kuyoyela a miyati ya mafuti eka cikeco cinavanyeke nzili yavo. Matangwa avo anapu amandondo, oloni kuvazivuka cuma eci.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Hoziya 8:12

Njisonekela vanu vilongesa vyavingi, oloni valinakuvivyana ngwavo vinapu vyakukomokesa vya vungenzi kuli vakevo.

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Hoziya 9:17

Njambi uje njilinakupangela akavyana vanu vendi, omwo vanavyana kumutolilila. Vakapwa vaka-kwendangana akati ka miyati ya vanu.

Mateo 1:6

Njesi wakitile Mwene Ndaviti. Mwene Ndaviti wakitile Solomoni kuli uje wapwile munakazi wa Uliya,

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 15:8

‘Njambi ngwendi, vanu ava valinakunjisingimika lika na majwi avo, oloni vimbunge vyavo vili kulyala nange.

1 Samwele 2:12

Vana va Eli vapwile vanu vavavi manene. Kuvakele na lyova kuli Shukulu Kalunga,