Hoziya 4:4 - Livulu lya Shukulu Kalunga

⁴ Shukulu Kalunga alinakwendeka ngwendi, “Kesi mutave umo avangele vanu nambe kuvendekela, omwo kulinyenga kwange kuli ali yeni vaka-kukombelela.

Hoziya 4:4 Iomraidhean Croise

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Ezekiyele 3:26

Njikakakatesa ndaka yove ku ndakwilo, ngeci kuukasa kunangula vanu ava vaka-kutengulukila.

Hoziya 4:17

Vanu va mu Isalele vanaangula kulemesa tumponya. Veceleni vaye mu ngila yavo.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Amose 5:13

Ngecivene, uje ali na mana akoloke kuluu a simbu eyi yaivi ngacije!

Amose 6:10

Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?” Co akamukumbulula ngwendi, “Waimo!” Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”

Kwituluka mu Mashiko 17:12

Nga munu umo ajeneka kwononoka kuli muka-kukombelela uje muka-kupangela Shukulu Kalunga Njambi yeni, nambe kuli lyaako, co uje munu vakamutsiye, ngeci mukatundise vuje vuvi mu Isalele mwoshe.