Hoziya 4:10 - Livulu lya Shukulu Kalunga

¹⁰ Mukalya litambelo lyeni lya vin̄ombelo, oloni kumukakuta, mukalemesa njambi wa lusemo, oloni anga kumukakala na vana, omwo munanjikengesa nima nakukava vinjambi veka.”

Hoziya 4:10 Iomraidhean Croise

2 Mizimbu 24:17

Oloni omo Yehoyanda natsi laja, co vantwama va mu Yunda vasindiiye Mwene Yowashe ngeci atolilile kuli vakevo.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 36:3

Majwi avendeka anashulu na muuka na makuli, vanaseza vilinga vya mana na vilinga vyavivwa.

Visimo 13:25

Vaka-vushunga vali na vyakulya vyavingi, oloni vaka-vuvi simbu yoshe vali na njala.

Njelemiya 34:15

Mu matangwa amandondo lika a kunima, mwatengulwile viyongola vyeni, mwalingile vije vyanjivwasele. Yeni voshe mwalizivasanene kwecela ngoco vavushoko vweni vaIsalele, co mwalikumiiye cikumiiyo ku mesho ange, mu Njuvo yange muje muvakanjilemesela.

Njelemiya 9:12

Njelemiya wehwile Shukulu Kalunga ngwendi, “Omwo vikajo lifuti lili mupulungwa nakuma cau ngwe mu mambo, ngeci naumo wai alinakwitamo? Iyajo muka-mana asa kuzivisisa evi? Kuli iyajo unavinungulwila ngeci alekeko vakwavo?”

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

Hoziya 4:14

Oloni kunjikavanyanyamesa a vyuma evi embwe, omwo neni mulinakulinga vukwizi na vikwizi va mu njuvo yakulemesela, co mukombelela vin̄ombelo ku vinjambi veka amolika navo. Ngwe cisimo ngwaco, ‘Vanu vakujeneka mana vakanyonga!’

Hoziya 7:4

Voshe vali na mashungu amavi vakujeneka kulongwa. Cizindo cavo cikakumuka ngwe vitale mu liko lya kwocela makende, vije kasa kushambeya muka-kwoca makende noo mukasha wa makende unafutunuka ngeci vawoce.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Mika 6:14

Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.