Hoziya 2:9 - Livulu lya Shukulu Kalunga

⁹ Ngecivene, a simbu ya kuteja njikamunyeka vije vimbuto na vinyu vinjamwanene, co njikamunyeka lalo vije vuzalo vwa maka a vimanga na vije vinanga vya linyu vinjamwanene ngeci azale.

Hoziya 2:9 Iomraidhean Croise

Ezekiyele 16:27

“Co ololo njinolola livoko lyange, nakukuhisa, co njinakunyeke vivezikiso vyange. Njinakukundika ku mavoko a vaFilisitiya, vaje vakuzinda, co vanazivi vunyengwe vwa vilinga vyove vya vukwizi.

Ezekiyele 16:39

Njikakukundika mu mavoko avo, co vakasiwula mitambela kuje walingilile vupangala nakulemeselako tumponya. Vakambata vuzalo vwove na sungu yove, co vakakuseza mushelengwa.

Ezekiyele 23:26

Vakatavozola vuzalo vwove nakukunyeka vyakuzala vyove vya senga.

Ndanyele 11:13

“Mwene wa Silya akeluka nakukungulula mashwalale vavangi kutuvakana vaje vakele navo akulivanga. Omo simbu yaivwa iketa, co akeluka na mbunga yakama ya mashwalale vaje vanalivwaesela cimweja vyuma vya nzita.

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

Hoziya 9:2

Oloni ololo kumukakala na vimbuto vyakupwisamo, na mazi a olive, co kumukakala na vinyu.

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

Zefaniya 1:13

Vufuko vwavo vakavupukula, co vinjuvo vyavo vakavinyongesa. Vakatunga vinjuvo, oloni kuvakakalamo nambe kunwa vinyu vya mu vitungu vya mikolovozi ya vushuka vwa vinyu vije vakatombeka.”

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”