Hoziya 2:5 - Livulu lya Shukulu Kalunga

⁵ Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hoziya 2:5 Iomraidhean Croise

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 13:22

Nga mukehula ngweni omwo vikajo vyoshe evi vinalingiwa kuli yeni, omwo vikajo vuzalo vweni vwatavozokela nakumilinga vuvi mu ngila kesi ikeyo? Vamilingile vyuma vyoshe evi omwo vuvi vweni vwakukomokesa manene.

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 6:8

Eni vanu va mu Yelusalema, tuyando otu tupwe twakuminangula, kutewa njikamiseza, co nganda yeni njikaipwisa mambo, muje naumo wai akakalamo.”

Ezekiyele 16:35

Ngecivene, Yelusalema, yove cikwizi! Tolilila evi vyendeka Shukulu Kalunga.

Ezekiyele 16:39

Njikakukundika mu mavoko avo, co vakasiwula mitambela kuje walingilile vupangala nakulemeselako tumponya. Vakambata vuzalo vwove na sungu yove, co vakakuseza mushelengwa.

Ezekiyele 16:4

Omo wasemukile naumo wai wavatwile n̄owa yove, nambe kukujwelesa, nambe kukukwita mwongwa, nambe kukuzengela a nanga.

Hoziya 1:2

Omo akulivanga Shukulu Kalunga wendekele kuli Isalele ali Hoziya, co wendekele kuli Hoziya ngwendi, “Ya ukambate munakazi, munakazi wove akapwa wakujeneka kulongwa, na vana vove vakapwa ngwe ikeye. Mu ngila imo vene, vanu vange vananjiseza vanapu vakujeneka kulongwa.”

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 2:8

Kuma kanangukile ngeci yange uje njamwanene vimbuto, na vinyu, na mazi a olive, na siliva, na ngolinde yoshe vije vyakele nakupangesa mukulemesa Mbale.

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

Hoziya 4:5

Vutsiki na mutanya mukatanozoka, co lalo na vaka-kwimanena valinakutanozoka ngeci mweni. Co njikanyongesa Isalele, vanyoko.

Hoziya 8:9

Vanu va mu Isalele vanakaluwa ngwe vimulu vavukalu, co valinakuya mu ngila yavo vavenya. Vanai nakukashakezeka vukwasi ku Asilya, co vanafwete mafuti eka ngeci vavanyunge.

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

Amose 8:13

A litangwa lije nameme vambanda vavavwa na vakwenje va nzili vakalezumuka omwo lihwila.

Maako 16:23

Co vimyene va vaFilisitiya vakungulukilile amo ku ciwano cakulisamba nakukombelela n̄ombelo yakama kuli njambi yavo Ndangone. Co vembile mwaso ngwavo, “Njambi yetu nakundika citozi cetu Samusoni ku mavoko etu!”