Hoziya 2:23 - Livulu lya Shukulu Kalunga

²³ Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Hoziya 2:23 Iomraidhean Croise

Myaso 118:28

Yove wapwa u Njambi yange, njikakukandelela, co njambulula vukama vwove.

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 68:31

Vaka-kwimanena mafuti vakatunda ku Ingito, co vaka-Sundane vakajundula mavoko avo nakulombela kuli yove Njambi.

Myaso 72:16

Tiliku ipwe yaingi mu lifuti, akamwa ya malundu ashule na vimbuto, vipwe vyavingi ngwe vimbuto vya ku Lembanone. Vinganda vishule na vanu, ngwe mwila wa mu mahya.

Myaso ya Solomoni 2:16

Muka-cizemo cange unapu u wange, nange njinapu nji wove, Ulinakulisa matanga ove akati ka man̄anda,

Isaya 44:5

“Vanu vakendeka kuli umo na mukwavo ngwavo, ‘Nji wa Shukulu Kalunga.’ Vakaija nakulipandakana na vanu va Isalele. Munu na munu akaka cizivukiso ca lizina lya Shukulu Kalunga a livoko lyendi, nakulitumbula ikeye vavenya kupwa umo wa vanu va Njambi.”

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 30:22

Vakapwa vanu vange, nange njikapwa Njambi yavo. Yange Kalunga, njinendekamo.”

Njelemiya 31:27

“Yange Kalunga, njendeka ngwange simbu ilinakwija, omo njikatumisa vanu na tusitu mu lifuti lya Isalele na Yunda.

Njelemiya 32:38

Co vakapwa vanu vange, nange lalo njikapwa Njambi yavo.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Ezekiyele 36:29

Njikamyamena ku vyuma vyoshe vije vikamijwalesa. Njikamenesa vimbuto ngeci vikapwe vyavingi, ngeci kesi mukakale lalo na njala ya lyangengela.

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 8:2

Nameme vanjitumbula ngwavo nji Njambi yavo nakutumbula ngwavo vapwa vanu vange, co lalo ngwavo vanjizivuka,

Zakaliya 10:9

Nameme njavashandwela akati ka miyati ya vanu, oloni ku mitambela yakulyala kuje vali vakanjanuka. Vakevo na vana vavo vakayoya, co vakeluka mumolika kwimbo.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Loma 3:29

Nambe Njambi kuma wapwa Njambi wa vaYunda lika ndi? Kuma kapwile Njambi wa vaje kesi vaYunda lalo ndi? Mwa vushunga wapwa wa voshe.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.