Hoziya 2:11 - Livulu lya Shukulu Kalunga

¹¹ Co njikavindika viwano vyendi vyakulisamba vyoshe, viwano vyendi vya a mwaka na mwaka, na a ngonde na ngonde na viwano vyendi vyakulisamba a Litangwa Lyakuhwima, na vikungulukilo vyendi vyoshe vyakulemesa.

Hoziya 2:11 Iomraidhean Croise

1 Vimyene 12:32

Co lalo Yelovowame wemikile litangwa lya ciwano ca vunjambi a litangwa lyamulikumi na atanu ku ngonde yamucitanu na vitatu, cakufwa ngwe ciwano cije cakele nakulingiwa mu Yunda. Co a mutula wa ku Mbetele Yelovowame wakombeleleleo vin̄ombelo ku vingombe va ngolinde vaje wafulile, co waakele vaka-kukombelela ku Mbetele mukupanga ku myela ije yakulemesela yatungile.

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 25:10

Njikolwesa miyoyo yavo yakujolela nakuvwaelela, na miyoyo yakuvwaelela a viwano vya malo. Kuvakakala na mazi mu vindeya vyavo, co kukukakala lalo vimbuto vya vinona.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 5:7

Vanapu vakujeneka kulongwa kuli Shukulu Kalunga, co vana vavo kuvakundamene kuli ikeye embwe. Ngecivene, ololo vakevo na lifuti lyavo vakavanyongesa.

VaLevi 26:20

Co vipangi vyeni vyoshe vya nzili kuvikamikwasa, omwo livu lyeni kulikamenesa vimbuto, co na miti lalo kuyikemi vushuka vwai.

Amose 5:21

Shukulu Kalunga alinakwendeka ngwendi, “Yange njazinda nakuyengula viwano vyeni vyakulemesa, kunjivwaelela navyo!

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!