Hoziya 14:5 - Livulu lya Shukulu Kalunga

⁵ Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Hoziya 14:5 Iomraidhean Croise

2 Samwele 23:4

napu ngwe ceke ca mutondo omo litangwa lituuka mutondo omo kukwesi mashelwa, ngwe litangwa livyakumisa mwila omo nyonzi inavatuka.”

2 Vimyene 19:30

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Yombi 29:19

Njapwile ngwe mizi ya muti yakukala mu mema simbu yoshe, muti uje minango yawo ikajulu na lime.

Myaso 133:3

Cinafu lalo ngwe lime lya ku Munkinda wa Helemone, lije lijemukila a malundu a Siyone, kuje Shukulu Kalunga wakulaesele kuvezikisa vanu vendi, kuvavezikisa mwonyo wa ku myaka yoshe.

Myaso 72:16

Tiliku ipwe yaingi mu lifuti, akamwa ya malundu ashule na vimbuto, vipwe vyavingi ngwe vimbuto vya ku Lembanone. Vinganda vishule na vanu, ngwe mwila wa mu mahya.

Myaso 72:6

Mwene apwe ngwe nyonzi inyokela mu mahya, ngwe nyonzi ya vusuku-mbundu ije inyokela mu lifuti.

Myaso 80:9

Wauvwaeselele mwela ngeci ukolelemo, co mizi yawo yaile kwisi manene, yashalavelele mu lifuti mwoshe.

Myaso 92:12

Vaka-vushunga vakavezika ngwe miti ya mashakavale, co vakola ngwe miti ya kendale ya ku Lembanone.

Myaso 92:13

Vanalifu na miti yakukuna mu Njuvo ya Shukulu Kalunga Njambi, ije ilinakukula mwamuvwa, mu Njuvo yetu ya Shukulu Kalunga,

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Myaso ya Solomoni 2:16

Muka-cizemo cange unapu u wange, nange njinapu nji wove, Ulinakulisa matanga ove akati ka man̄anda,

Myaso ya Solomoni 4:5

Mavele ove anapu ngwe vana vampasa va vishonge vaje valinakulya akati ka man̄anda.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 18:4

Shukulu Kalunga wendekele kuli yange ngwendi, “Njikakenga asi na kwoloka kuluu oku njili mwilu, ngwe lime lilinakuwila asi vutsiki omo kuli ntwima a simbu ya kuteja, ngwe misha ya litangwa a simbu ya mutanya.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mateo 6:28

“Co omwo vikoni mukalishoshomwena a vuzalo? Kengeni vishani muje muvikakolo, vikevyo kuvyesi kupanga nambe kulipangela vuzalo vikevyo vavenya.

Luka 12:27

Kengeni vishani vije vyakala mu shwata, vikevyo kuvyesi kupanga nambe kulipangela vuzalo vikevyo vavenya. Oloni njimileka ngwange, nameme Mwene Solomoni na vufuko vwendi vwoshe kazalele vuzalo vwavuvwa ngwe vwa vishani evi.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.