Hoziya 14:2 - Livulu lya Shukulu Kalunga

² Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 14:2 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

Yombi 7:21

Omo vikajo kuwesi kunjisambesela ku vivulumuna vyange? Kuma kuwasa kunjecela ku kupenga-penga kwange oku njilinakulinga? Njikalala mu mbumbo, co mukanjishakezeka, oloni kumukanjiwana.”

Myaso 119:108

Tambula lilombelo lyange lyakukandelela yove Shukulu Kalunga, nakunjilongesa mashiko ove.

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Myaso 51:16

Yove kuwashakele vin̄ombelo, nga njikakukombelelavyo, yove kuwesi kuvwaelela na vin̄ombelo vya kwenyeka.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 6:7

Co wakambekele linungu lya tuhya a kanwa kange wendekele ngwendi, “Eli linakwata kanwa kove, co ololo mulonga wove unahu, na vuvi vwove vanakusambesavwo.”

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Hoziya 12:7

Shukulu Kalunga alinakwendeka ngwendi, “Vanu va mu Isalele vanapu ngwe vaka-Kanana vakujeneka kwononoka, vazema kukwisa vanu vaje vaija mukulanda kuli vakevo na vipeseleso vya makuli.

Hoziya 5:5

Co kulyalesa kwa vanu va mu Isalele kulinakumwesa mulonga wavo. Vuvi vwavo vulinakuvatanukisa nakuwa, co na vanu va mu Yunda valinakuwa amo navo.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Yona 2:9

Oloni yange njikaimba nakukwalesa, nakukombelela n̄ombelo kuli yove, nakulinga vije njalikumiiye. Kwamena kwatunda kuli Shukulu Kalunga!”

Zakaliya 3:4

Co kangelo wendekele ku mbunga ya vaka-mwilu vaje vemanene nendi ngwendi, “Shululeni vuzalo vwa mazilo ovu vwanazala ou munalume.” Asinoni wendekele kuli Yoshwa ngwendi, “Njinatundisa vuvi vwove, co njikwana vuzalo vwavuha ngeci uzale.”

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Loma 11:27

Co njikalikumiiya navo cikumiiyo eci omo njikatundisa vivi vyavo.”

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.