Hoziya 13:6 - Livulu lya Shukulu Kalunga

⁶ Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 13:6 Iomraidhean Croise

Nehemiya 9:35

Vimyene vashwanene vanu a vivezikiso vyove, omo vayoyele mu lifuti lyakama, lifuti lya vwilo lije liwavanene, oloni kuvatengulukile ku vuvi ngeci vakupangele.

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Njelemiya 5:7

Co Shukulu Kalunga wehwile ngwendi, “Omwo vikajo njisambesa vuvi vwa vanu vange? Vananjiseze nakulemesa vinjambi vangoco. Njalisile vanu vange noo vakutile, oloni valingile vupangala mu vinjuvo vya vikwizi.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Ezekiyele 28:5

Omwo vutongwe vwove vwakama mukulandesa, unalifukisa yove vavenya. Yove uli na kulyalesa omwo vufuko vwove!’

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.

Hoziya 12:8

Vendeka ngwavo, ‘Tunapu vaka-kufuka. Tunavezika. Co naumo wai akatwana mulonga a vufuko ovu vwoshe tunawana mu ngila ya makuli.’

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 2:7

Akakava vaka-cizemo cendi, oloni kakavawana. Akavakengezeka, oloni kakavawana. Asinoni akendeka ngwendi, “Njiiluka kuli munalume wange wakulivanga, kuje njakele mwamuvwa kutuvakana muno munjili kuno ololo.”

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Hoziya 4:7

“Omwo mumunatuminamo yeni vaka-kukombelela, mukemwo lalo mumuli nakulinga vuvi vwavungi kuli yange. Co njikatengulula kasingimiko keni kupwa shwamwa.

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Hoziya 8:4

“Vanu vange vaangwile vimyene, oloni vacilingile mu cizango cavo vavenya. Vemikile vantwama, kwakujeneka vukaleo vwange. Co vambatele siliva na ngolinde yavo valingile tumponya, kulinyongesa vakevo vavenya.

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.