Hoziya 13:5 - Livulu lya Shukulu Kalunga

⁵ Njaminyungile mu mambo, muje mu lifuti lyakuma.

Hoziya 13:5 Iomraidhean Croise

Kushangumuka 31:40

Visimbu vyavingi njakele nakuyanda na ntwima ku mutanya na lisika ku vutsiki kunjasele kulala mwamuvwa.

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 142:3

Omo cinyangavili cange cihwa, yove unazivuka laja ngila yange. Vananjitela myeto mu ngila, muje munjilinakwenda.

Myaso 31:7

Njikavwaelela nakujolela, omwo cizemo cove cije kucesi kutenguluka. Unamono tuyando twange, yove uzivuka n̄avava yange.

Myaso 63:1

Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Kutuuka 2:25

Ngecivene, Njambi wamwene vundungo vwa vaIsalele, co wavazivilile mema ku mbunge.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Hoziya 5:3

Njazivuka muje mwafwa Isalele, kasa kuvanda ku mesho ange embwe. Napu muka-kujeneka kulongwa kuli yange, co vanu vendi kuvafwilililemo mukunjilemesa.”

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

1 Kolinte 8:3

Oloni nga munu azema Njambi nendi vanamuzivuka kuli Njambi.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.

Kwituluka mu Mashiko 8:15

Ikeye wamitwamenenene mu mambo yakama yakujujwisa muje mwakele manyoka va vushungu vwavuvi na manyewe, mu lifuti muje mwakuma mwakujeneka mema. Nameme ngoco, ikeye wamituwisilile mema ku limanya lyakukola.