Hoziya 13:16 - Livulu lya Shukulu Kalunga

¹⁶ Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 13:16 Iomraidhean Croise

2 Vimyene 15:16

Omo Menaheme watundile ku Tileza, wanyongesele nganda ya Tapuwa, na voshe vakelemo, na membo aje azengelekeleko, omwo ije nganda kuyaliitile kuli ikeye. Co watavwile memo a vanakazi voshe vaje vakele na tufumba.

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 17:5

Asinoni Shalamanesele walwisile Isalele, co wazengelekele Samaliya. Mwaka wamucitatu wakuzengeleka Samaliya,

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 8:12

Co Hazayele wamwihwile ngwendi, “Omwo vikajo ulinakulila shukulu?” Elisha wamukumbulwile ngwendi, “Omwo njazivuka vuvi vuukalinga kuli vanu va Isalele. Ukenyeka vimpaka vyavo, nakutsiya vakwenje na moko ya mukwale, nakumwakwila kuti vana vavo, nakutavula mu memo a vanakazi vavo.”

Isaya 13:16

Vakamonako omo vakatsena vimbututu vavo a mamanya, vinjuvo vyavo vakavipukula, co vanakazi vavo vakavalinga vyuma vya shwamwa.”

Isaya 17:3

Isalele kuyikakala na cimpaka cakuyinyunga, co Ndamasiku vakainyongesa. Va Asilya vaje vakasalao vakaziva shwamwa ngwe vanu va Isalele. Yange Kalunga Muka-nzili yoshe, njinendekamo.”

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Hoziya 10:2

Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

Hoziya 11:6

Co nzita ikanyongesa vinganda vyavo nakusiwula vikolo vya nganda. Nzita ikanyongesa vanu vange, omwo valinakulinga vije vivayongola vakevo vavenya ngwavo vinapu vyavivwa.

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Amose 3:9

Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.