Hoziya 13:14 - Livulu lya Shukulu Kalunga

¹⁴ Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hoziya 13:14 Iomraidhean Croise

Yombi 33:24

Co mukutetela kangelo akendeka ku lifuti lya vatsi ngwendi, ‘Mwecele! Kesi ashelumuke kuli yove embwe. Njinawana ndando mukumukula.’

Yombi 41:22

Mukoshi wendi wakala na nzili manene, ngeci voshe valiwana nendi valijujukila manene.

Myaso 16:10

omwo kuukanjiseze mu vukalo vwa vatsi, nameme kutava muka-kujela wove ngeci akanyonge.

Myaso 30:3

Yove Shukulu Kalunga wanjitundisile mu vukalo vwa vatsi, unanjiyoyesa ngeci kesi njitse.

Myaso 49:15

Oloni Njambi akanjamena, akanjamena ku nzili ya kutsa.

Myaso 49:16

Kesi uzive lyova omo munu nafuku, omo vufuko vwendi vwatumu manene,

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Myaso 86:13

Omo vukama vwa cizemo cove kuli yange cije kucesi kutenguluka, unanjamena ku kutsa na ku mbumbo.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Ezekiyele 37:9

Njambi wendekele kuli yange ngwendi, “Muna munu, ambulula vuka-kwimanena ku lihunzi. Leka lihunzi ngwove, Shukulu Kalunga wa Akamwa ya Vyoshe nashiki lihunzi litunde ku mitambela yoshe iwana, ngeci lishokwele muku mu mivila eyi ya kutsa, ngeci ikale na mwonyo.”

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Hoziya 7:10

Kulyalesa kwa vanu va mu Isalele kulinakumwesa mulonga wavo. Nameme vyoshe vije vyasholokele, vakevo kuvelukile kuli yange Kalunga Njambi yavo.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Loma 11:15

Omwo nga vavayengwile, co vaka-kaye vavatengulwile mukujeneka kupwa vitozi va Njambi, co ololo vanapu vasamba va Njambi. Cikapwa vatijo omo vanavatambula? Cikapwa mwonyo ku vatsi!

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

2 Kolinte 5:4

Omwo tucili nakuyoya mu mbalaka ya ano asi tulinakukemanga vene nakuyanda, kesi ngwe tushaka vatutundisemo mu muvila wa ano asi embwe, oloni tushaka vatuzike na muvila wa mwilu, ngecivene, cije ca kutsa vakacimwisa ca mwonyo.

Filipu 3:21

Ikeye akemukisa mivila yetu yakuvotsiya ya kutsa nakuyipwisa ngwe muvila wendi vavenya wa vumpau, kupangesa nzili ije ikeye asa kunena vyuma vyoshe mwisi yakushika kwendi.

1 Tesalonika 4:14

Omwo tunakulaela ngwetu Yesu watsile, co wasangukile lalo, co tunakulaela ngwetu Njambi akanena amo na Yesu vaje vatsile mukukulaela kuli ikeye.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Kujombolola 20:13

Co mema a kalunga atuwisile vatsi vaje vakelemo. Kutsa na lifuti lya vatsi lalo vecelele vatsi vaje vakelemo. Co voshe vavasompele ngwe ku vilinga vyavo vije vivalingile.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”