Hoziya 13:10 - Livulu lya Shukulu Kalunga

¹⁰ Mwalombele mwene na vantwama, oloni vatijo vasa kwamena lifuti?

Hoziya 13:10 Iomraidhean Croise

1 Vimyene 12:20

Omo vanu va Isalele voshe vazivile ngeci Yelovowame neluka kutunda ku Ingito, vamulanyele ku cikungulukilo ca vanu voshe, co vamupwisile mwene wa mu Isalele. Kuvanga muyati wa Yunda lika vakevo vononokele ku vatekulwila va Ndaviti.

2 Vimyene 17:4

Oloni ku mwaka umo Hosheya watumine miluwa kuli So, mwene wa Ingito, nakumulomba ngeci amukwase, co alikele kufweta mulambu wa a mwaka na mwaka kuli mwene wa Asilya. Omo Shalamanesele wanangukile, co wakwatele Hosheya nakumwaka mu kamenga.

Myaso 10:16

Shukulu Kalunga ikeye wapwa mwene wa ku myaka yoshe, vaje valemesa vinjambi veka vakanyonga mu lifuti lyendi.

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 44:4

Yove unapu u mwene yange na Njambi yange, yove ukahyanesa vanu vove.

Myaso 74:12

Oloni yove Njambi, tunde ku san̄ulu unapu u mwene yetu, unatwamena visimbu vyavingi.

Myaso 89:18

Yove Shukulu Kalunga mwene yetu, u muka-kutunyunga, yove Njambi Wakujela wa Isalele, wapwa u ntelo yetu.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 43:15

Yange njapwa Kalunga, Njambi yeni wakujela. Yange njamitangele, Isalele, yange njapwa mwene yeni.”

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Hoziya 10:3

Vanu ava ololo vendeka ngwavo, “Kutwesi na mwene omwo kutwakomokele Shukulu Kalunga. Oloni cuma mukajo lalo napande kutulingila mwene?”

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 7:7

“Mukushukuma kwa vukalu vwavo vatsiile vantwama vavo. Vimyene vavo vavatsiile umo na umo kulikavasana, oloni naumo wai walombelele kuli yange ngeci njivakwase.”

Hoziya 8:4

“Vanu vange vaangwile vimyene, oloni vacilingile mu cizango cavo vavenya. Vemikile vantwama, kwakujeneka vukaleo vwange. Co vambatele siliva na ngolinde yavo valingile tumponya, kulinyongesa vakevo vavenya.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

1 Samwele 8:7

co Shukulu Kalunga wendekele ngwendi, “Tolilila ku vyuma vyoshe vije vivendeka vanu kuli yove. Kesi yove ivanavyana embwe, oloni vanavyana yange kupwa mwene yavo.