Hoziya 12:7 - Livulu lya Shukulu Kalunga

⁷ Shukulu Kalunga alinakwendeka ngwendi, “Vanu va mu Isalele vanapu ngwe vaka-Kanana vakujeneka kwononoka, vazema kukwisa vanu vaje vaija mukulanda kuli vakevo na vipeseleso vya makuli.

Hoziya 12:7 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

Visimo 11:1

Shukulu Kalunga wazinda vanu vaje vapangesa vipeseleso vya makuli, oloni avwaelela na vipeseleso vyavivwa.

Visimo 16:11

Shukulu Kalunga ashaka kupeselesa nakweseka kupwe kwa vushunga, ndando yoshe lalo inapande kupwa yaivwa.

Isaya 3:5

Co vanu vakakala na muuka ku umo na mukwavo. Vakwenje kuvakasingimika vakulunu vavo, co vikolokomba kuvakasingimika vantwama vavo embwe.

Isaya 56:1

Shukulu Kalunga alinakwendeka ku vanu vendi ngwendi, “Lingeni vije vinapu vya vushunga, na vuvwa, omwo njikamyamena vwasi-vwasi.

Ezekiyele 16:3

Leka Yelusalema vije vyalinakwendeka nendi Shukulu Kalunga wa Akamwa ya Vyoshe ngwendi, “Yove wasemukilile mu lifuti lya Kanana. Isho wapwile kaAmoli, co vanyoko vapwile kaHiti.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 28:5

Omwo vutongwe vwove vwakama mukulandesa, unalifukisa yove vavenya. Yove uli na kulyalesa omwo vufuko vwove!’

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Amose 2:7

Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela.

Amose 3:9

Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 7:2

Kukwesi munu wa kulongwa nasala mu lifuti, naumo wai wa kulongwa kuli Njambi. Vanu voshe vanavandamena simbu yakutsiya. Vanu voshe valinakuyomba vandolome vavo ngeci vavatsiye.

Zakaliya 14:21

Vindeo vyoshe vya mu Yelusalema na mu Yunda mwoshe vakavyangunwina kwavyo lika nakuvipangesa mukulemesa Shukulu Kalunga Muka-nzili yoshe. Co vanu vaje vakombelela vin̄ombelo vakavipangesa akutelekamo situ yakukombelela. Omo simbu ije iketa, kukukakala muka-kulandesa mu Njuvo ya Shukulu Kalunga Muka-nzili yoshe.

Zakaliya 5:8

Co uje kangelo wendekele ngwendi, “Ou munakazi nemanena vuvi.” Asinoni wasindikilile uje munakazi mu mutonga, co wafwikileko lalo cifwiko.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Yowano 2:16

co walekele vaje vakele nakulandeselamo mayembe ngwendi, “Vatuwiseni anja! Kesi mupwise Njuvo ya Tate mutambela wakulandesela!”

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

1 Samwele 12:3

Yange uno. Nga kuli cuma cimo njamiviisilile, citumbuleni ololo ku mesho a Shukulu Kalunga na ku mesho a mwene ou yanaangula. Kwali munu umo injanyekele ngombe yendi wa lwavo nambe cimulu? Indi kwali munu umo injakwisile nambe injayandesele? Indi kwali munu umo injatavele kutambula vimbongo vya lizika-kanwa? Nga njalingileo cuma cimo, co njiilwise vije njatambwile.”