Hoziya 12:6 - Livulu lya Shukulu Kalunga

⁶ Ngecivene, ololo yeni vatekulwila va Yakomba, kulaeleni kuli Njambi yeni nakwiluka kuli ikeye. Pweni vaka-kulongwa nakupwa vanu va vushunga, co vandameneni nakusimpa ngeci Njambi yeni apange.

Hoziya 12:6 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

Myaso 123:2

Ngwe vangamba valinakuyoyela kuli shukulu yavo wa munalume, ngwe lalo ngamba wa mumbanda alinakuyoyela kuli shukulu yendi wa munakazi, ngeci mesho etu akenga kuli yove, Shukulu Kalunga Njambi yetu, noo utuzivilako mema ku mbunge.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Visimo 1:23

Tolilileni omo njimyendekela, njimyana kunangula kwakuvwa.

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Isaya 58:6

“Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Njelemiya 22:15

Kuma wayongola ngwove u mwene wamuvwa kutuvakana vimyene voshe nga utunga vinjuvo vya kendale vyavivwa, kutuvakana vinjuvo vya vakweni voshe ndi? Isho walile nakunwa simbu yoshe wapwile wa kulongwa na vushunga, wavezikile mu vyuma vyoshe vije vyalingile.

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Hoziya 10:12

Njendekele ngwange, ‘Limeni kwoloka, nakukuna vushunga, co mukateja vivezikiso vije vikasholoka akulikundika kweni kuli yange. Simbu yeni yakwiluka kuli yange Kalunga keni inete, co njikaija nakumivezikisa!’

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Amose 5:24

Oloni vushunga vwite ngwe mema a mu ndonga, na vuvwa ngwe ndonga ije kuyesi kuma cau.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Zakaliya 8:16

Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.