Hoziya 12:5 - Livulu lya Shukulu Kalunga

⁵ Ou ikeye Shukulu Kalunga Njambi Muka-nzili yoshe, Shukulu Kalunga lyapwa lizina lije vakamulemesa nalyo.

Hoziya 12:5 Iomraidhean Croise

Kushangumuka 28:16

Asinoni Yakomba wakasumukile ku tulo, wendekele ngwendi, “Mwa vushunga Shukulu Kalunga ali kuno! Ikeye ali mu mutambela uno vene, oloni yange kunjazivukile!”

Kushangumuka 32:30

Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Kushangumuka 35:9

Omo Yakomba watundile ku Mesopotamya, Njambi walisholwele kuli ikeye lalo, co wamuvezikisile.

Myaso 135:13

Shukulu Kalunga, simbu yoshe vakakutumbula ngwavo u Njambi, lizina lyove vakalyanuka ku visemwa vyoshe.

Myaso 30:4

Yeni vanu vendi vakujela, imbeni nakushangazala Shukulu Kalunga! Anukeni vije vyanalingi uje Wakujela, co kandeleleni.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Isaya 42:8

“Yange lika Kalunga Njambi yeni. Kukwesi njambi weka lalo injikana vumpau vwange, nambe kutavesa vishangazala vyange kuvyana ku tumponya.